নেশ্যনেল ডেস্ক,26 ফেব্ৰুৱাৰী: ৰাজস্থানৰ বুন্দী জিলাত ভয়ংকৰ পথ দুৰ্ঘটনা ৷ জিলাখনৰ কোটা দোসা মেগা ৰাষ্ট্ৰীয় ঘাইপথৰ মেজ নদীত বাগৰি পৰে বিবাহযাত্ৰীৰ এখন বাছ ৷ প্ৰায় 60 গৰাকী বিবাহযাত্ৰী আছিল বাছখনত ৷ দুৰ্ঘটনাটোত 24 জন যাত্ৰী নিহত হোৱাৰ লগতে গুৰুতৰভাৱে আহত হয় আন কেইবাজনো লোক৷ ঘটনাস্থলীত উদ্ধাৰকাৰী দলৰ লগতে প্ৰশাসনিক বিষয়া উপস্থিত হৈ অব্যাহত ৰাখে উদ্ধাৰ অভিযান ৷
উল্লেখ্য যে, বিবাহ সম্পূৰ্ণ কৰি কোটাৰ পৰা সবাইমাধোপুৰ উভতি আহি থকাৰ সময়তে নিয়ন্ত্ৰণ হেৰুৱাই নদীত সোমাই যায় বাছখন ৷ বাছখনৰ চালকৰ টোপনি আহি যোৱাৰ ফলত এই দুৰ্ঘটনাটো সংঘটিত হয় বুলিও আন একাংশই মন্তব্য কৰে ৷ ঘটনাটো সংঘটিত হোৱাৰ পাছতেই ঘটনাস্থলীত প্ৰশাসন আৰু উদ্ধাৰকাৰী দল উপস্থিত হৈ অব্যাহত ৰাখে উদ্ধাৰ অভিযান ৷