নিউজ ডেস্ক, ৩ এপ্ৰিলঃ বুধবাৰে জনপ্ৰিয় চাকৰি সন্ধানী ৱেবছাইট "Indeed" প্ৰকাশ কৰা এক সমীক্ষাৰ প্ৰতিবেদনত প্ৰকাশ পাইছে ৰাজনীতিৰ জনপ্ৰিয়তা । সাধাৰণ নিৰ্বাচনৰ পূৰ্বে সাতটা পৰ্যায়ত সম্পন্ন কৰা এই সমীক্ষাত দেশৰ ৮০ শতাংশ চাকৰি সন্ধানীয়ে ৰাজনীতিৰ প্ৰতি নিজৰ আগ্ৰহ প্ৰকাশ কৰিছে ।
সমীক্ষাটোত, ২১ শতাংশ পুৰুষআৰু ১২ শতাংশ মহিলাইৰাজনীতিত নিজৰ কেৰিয়াৰ গঢ়াৰ প্ৰতি পক্ষপাতী বুলিপ্ৰকাশ পাইছে । অহা ১১ এপ্ৰিলৰ পৰা মে মাহৰ ১৯ তাৰিখলৈ অনুষ্ঠিত হ'বলগীয়া লোকসভা নিৰ্বাচনৰ পূৰ্বে সমগ্ৰ ভাৰতবৰ্ষত সাতটা পৰ্যায়ত সম্পন্ন কৰা হৈছিল এই সমীক্ষা । সমীক্ষাত অংশগ্ৰহণ কৰা ৫৯ শতাংশ অংশগ্ৰহণকাৰীয়ে প্ৰকাশ ভংগী আৰু ৰাজহুৱাকৈ কথা কোৱাৰ সক্ষমতা থাকিলেহে ৰাজনীতিত কেৰিয়াৰ সম্ভৱপৰ বুলি মতদান কৰাৰ বিপৰীতে ৫৩ শতাংশই সমস্যা ব্যৱস্থাপনাই এগৰাকী স্থায়ী ৰাজনীতিবিদৰ মুল গুণবুলি মতদান কৰিছে । আনহাতে ২৪ শতাংশ অংশগ্ৰহণকাৰীয়ে সৰ্বভাৰতীয় পৰ্যায়ৰ ৰাজনীতিৰ প্ৰতিমনোগ্ৰাহী বুলি কোৱাৰ বিপৰীতে ২১ শতাংশই ৰাজনীতিৰ সৈতে সংযুক্ত অন্যান্য় আনুষংগিক কেৰিয়াৰ পচণ্ড কৰিছে আৰু ৩৪ শতাংশই ৰাজ্যিক ভিত্তিক সামাজিক সেৱা আৰু ৰাজনৈতিক সাংবাদিকতাত আগ্ৰহী বুলি মতপ্ৰকাশ কৰিছে ।
সমীক্ষাত অংশগ্ৰহণ কৰা আধা সংখ্যকেই যিকোনো চাকৰিৰ বাবে নেতৃত্ব আৰুসমস্যা ব্যৱস্থাপনা জৰুৰী বুলি প্ৰকাশ কৰাৰ বিপৰীতে ৪৯ শতাংশই দৰ্শক-শ্ৰোতাক বুজি পোৱা গুণ অতি জৰুৰী বুলি প্ৰকাশ কৰিছে । প্ৰায় ৩৭ শতাংশই সমস্যা সমাধান আৰু সমস্যা ব্যৱস্থাপনা গুণ ৰাজনীতিত অতিকে জৰুৰী বুলি প্ৰকাশ কৰাৰ বিপৰীতে ৪৭ শতাংশই বিশ্লেষণাত্মক চিন্তাধাৰা অতিকে গুৰুত্বপূৰ্ণ বুলি প্ৰকাশ কৰিছে ।
"Indeed India"ৰ প্ৰৱন্ধক-নিৰ্দেশক শশী কুমাৰৰ মতে, যদিও দেশৰ সহস্ৰাধিকে ৰাজনৈতিকভাৱে উদাসীন আৰু বিচ্ছিন্ন হৈ আছে তথাপি এইসকলনৱপ্ৰজন্মৰ নাগৰিক চিন্তাধাৰাক বিকশিত কৰি তোলাত সহায় কৰিছে । তেওঁ লগতে কয় যে, বিগত সময়ছোৱাৰ তুলনাত বৰ্তমানৰ প্ৰজন্মই চৰকাৰক সমাজৰ সহায়কাৰী, মানুহৰ সহায়কাৰী, ধৰ্মীয় সংগঠনৰ সহায়কাৰী, ব্যৱসায়ৰ সহায়কাৰী আৰু ৰাজহুৱা সমস্য়াৰ সমাধানকাৰী এখন ৰাজ-শাসন বুলি মানি আহিছে । নিজ পাৰদৰ্শিতা অনুসৰি বহুসংখ্যকেই প্ৰভাৱৰ ওপৰত বিশ্বাস কৰাৰ লগতে ইয়াৰ দ্বাৰাই সামাজিক কল্যাণসাধন কৰিবলৈ বিচাৰে ।
ফেব্ৰুৱাৰী মাহৰ ২২ তাৰিখৰ পৰা ২৫ তাৰিখৰ ভিতৰত সম্পন্ন কৰা এই সমীক্ষাত ২২-৩৬ বছৰীয়াদেশৰ প্ৰায় ১,২০১ গৰাকী নৱপ্ৰজন্মই অংশগ্ৰহণ কৰিছিল ।
