নেশ্যনেল ডেক্স,21 মেঃ আম্ফানৰ ফলত বিস্তৰ ক্ষতি পশ্চিম বংগত । ঘূৰ্ণীবতাহৰ ফলত ঘৰ-দুৱাৰ, দোকান-পোহাৰৰ বিস্তৰ ক্ষতি হোৱাৰ উপৰিও পথৰ ওপৰত বাগৰি পৰিছে প্ৰকাণ্ড গছ, উভালি পৰিছে বিদ্যুতৰ খুঁটি । উল্লেখ্য যে, আম্ফানৰ ফলত উত্তৰ কলকাতাৰ কেইবাটাও অঞ্চল ইতিমধ্যে পানীৰ তলত বুৰ গৈছে ।
এইপৰ্যন্ত ৰাজ্যখনৰ উত্তৰ 24 পৰগনা, দক্ষিণ 24 পৰগনা, পূৱ মেদিনীপূৰ, আৰু কলকাতাত ঘূৰ্নীবহাতে আটাইতকৈ বেছি তাণ্ডৱ চলাইছে । আম্ফানত মুত্যু হোৱা লোকৰ সংখ্যা 72 জন বুলি জনায় পশ্চিম বংগৰ মুখ্যমন্ত্ৰী মমতা বেনাৰ্জীয়ে । ইয়াৰ ভিতৰত কলিকতাত মৃত্যু 2 জন , পূৱ মেদিনীপুৰত 6 জন, হাওৰাত 1 জন, হুগলীত 3 জন, উত্তৰ 24 পৰগনাত 2 জন, দক্ষিণ 24 পৰগনাত 4 জন, হলদিয়াৰ এইচ পি এল অঞ্চলত 1জন, আৰু নাদিয়াত 1 জন লোকৰ মৃত্যু । মৃতকৰ সংখ্যা আৰু বৃদ্ধি পোৱাৰ সম্ভাৱনা ।
আনহাতে, বুধবাৰে নিশাৰ পৰাই গছ কটা আৰু পথ মোকলোৱাৰ কামত নামি পৰিছে NDRF বাহিনী আৰু পৌৰসভাৰ কৰ্মীসকল । পৰিস্থিত স্বাভাৱিক হ'বলৈ 10 ৰ পৰা 12 দিন সময় লাগিব । কেন্দ্ৰীয় চৰকাৰৰ পৰা সাহাৰ্যৰ আহ্বান জনায় মুখ্যমন্ত্ৰী গৰাকীয়ে ।
লগতে পঢ়ক- COVID-19 : বিশ্বৰ সামগ্ৰিক তথ্য
