নিউজ ডেস্ক, ৩ জুনঃ লক ডাউনৰ মাজতে আৰম্ভ হোৱা শ্ৰমিক ৰে'ল সেৱাৰ নামত ৩১ মে' পৰ্যন্ত সমগ্ৰ দেশজুৰি ৪,০৪০ খন ৰে'ল সেৱা চলিছে বুলি জানিবলৈ দিয়ে ভাৰতীয় ৰে'ল কৰ্তৃপক্ষই । আনহাতে, ১ মে'ৰ পৰা মহাৰাষ্ট্ৰ,গুজৰাট,উত্তৰ প্ৰদেশৰ ৰাজ্য চৰকাৰৰ তৰফৰ পৰা ২৫৬ খন ৰে'ল বাতিল কৰা হৈছে বুলি জানিবলৈ দিয়ে ৰে'ল বিভাগে ।
মহাৰাষ্ট্ৰৰ পৰা বাতিল কৰা হৈছে ১০৫ খন ৰে'ল,গুজৰাটৰ পৰা বাতিল কৰিছে ৪৭ খন,কৰ্ণাটকৰ পৰা বাতিল কৰিছে ৩৮ খন আৰু উত্তৰ প্ৰদেশৰ পৰা বাতিল কৰিছে ৩০ খন শ্ৰমিক ৰে'ল সেৱা । আনহাতে, বুধবাৰ পৰ্যন্ত দেশত ৪,১৯৭ খন শ্ৰমিক ৰে'ল সেৱা চলাইছিল বুলিও উল্লেখ কৰে ভাৰতীয় ৰে'ল বিভাগে।
লগতে চাওকঃ এয়াৰ ইণ্ডিয়াৰ ৫ খন বিমানেৰে লণ্ডনৰ পৰা ভাৰতলৈ অনা হ'ব ১২০০ নাগৰিকক
