নিউজ ডেস্ক, 9 মে': শনিবাৰে দুখন বিশেষ বিমানে 350 গৰাকী যাত্ৰী সংযুক্ত আৰৱ এমিৰেট ৰ পৰা কঢ়িয়াই ভাৰতত উপস্থিত হয় ।
চেন্নাইৰ আন্তঃৰাষ্ট্ৰীয় বিমান বন্দৰত প্ৰথমখন বিমানে 182 গৰাকী যাত্ৰী কঢ়িয়াই ভাৰতত উপস্থিত হয় । আনহাতে পৰৱৰ্তী এয়াৰ ইণ্ডিয়াৰ IX540 - POB 177 বিমানখনে 177 গৰাকী যাত্ৰীৰ সৈতে একেটা বিমান বন্দৰত উপস্থিত হয় ।
এই লোকসকল লক্ ডাউনৰ ফলত ডুবাইত আৱদ্ধ হৈ আছিল । গৰ্ভাৱতী মহিলা, ছাত্ৰ আৰু বয়োজ্যেষ্ঠ লোক সকলক এই দুখন বিমানৰ জৰিয়তে উদ্ধাৰ কৰি নিজ দেশলৈ অনা হৈছে ।
সমূহ লোককে স্ক্ৰিনিং কৰি কোৱাৰেন্টাইনৰ ব্যৱস্থা কৰিছে প্ৰশাসনে । এই উদ্ধাৰ অভিযান "বন্দে ভাৰত মিছন" অভিযানৰ অন্তৰ্গত ।
