দুপৰীয়া 1 বজাৰ দহটা শীৰ্ষ বাতৰি

দুপৰীয়া 1 বজাৰ দহটা শীৰ্ষ বাতৰি...

সমগ্ৰ বিশ্বতে কৰ'ণা আক্ৰান্ত লোকৰ সংখ্যা বৃদ্ধি পায় 2,83,16,556 গৰাকীতকৈয়ো অধিক লোকলৈ ৷ আনহাতে এই মহামাৰীত আক্ৰান্ত হৈ মৃত্যুক সাৱটি লোৱা লোকৰ সংখ্যাও বিশ্বত 9,13,284 গৰাকীলৈ অতিক্ৰম কৰিলে ৷

কাৰ্বি আংলঙৰ লাংহিনত এখন ট্ৰাক আৰু এখন ছুইফ্ট ডিজায়াৰ বাহনৰ মাজত হোৱা মুখামুখি সংঘৰ্ষত নিহত হৈছে দুজনকৈ ব্যক্তি ৷ নিহত দুজন ক্ৰমে দীপ বৰা আৰু নিৰ্মল বৰা বুলি জানিব পৰা গৈছে ৷ এই ঘটনাই পাহাৰীয়া জিলাখনত পেলাইছে শোকৰ ছাঁ ৷

নাকচ হ'ল ৰিয়া চক্ৰৱৰ্তী আৰু সৌভিক চক্ৰৱৰ্তীৰ জামিন আবেদন ৷ শুকুৰবাৰে বিশেষ আদালতে দুয়োৰে জামিন আবেদন সন্দৰ্ভত প্ৰদান কৰে এই ৰায় ৷ আনহাতে এই গোচৰত অভিযুক্ত আন 4 জন অভিযুক্তৰো জামিন আবেদন নাকচ কৰে আদালতে ৷

দেশৰ লগতে উত্তৰ-পূৰ্বাঞ্চলৰ ৰেল যাত্ৰী সকলৰ বাবে সুখবৰ । ১২ ছেপ্টেম্বৰৰ পৰা উত্তৰ-পূৰ্বাঞ্চললৈ পুনৰ চলিব ৪ খন ৰেল ৷

মানিকপুৰৰ গোসাইগাঁও ৰাষ্ট্ৰীয় ঘাইপথত সংঘটিত হয় এক শোকাবহ পথ দূৰ্ঘটনা । তীব্ৰ বেগী ট্ৰাকৰ খুন্দাত থিতাতে নিহত হ’ল এজন পথচাৰী । নিহত চাইকেল আৰোহীজন ভক্তপ্ৰসাদ দাস (৩৮) বুলি জানিব পৰা গৈছে ৷

বামুণীগাঁও সুৰক্ষা ৰেঞ্জাৰ লক্ষেশ্বৰ দাসৰ নেতৃত্বত আৰু শিংৰা ভাৰপ্ৰাপ্ত বনাঞ্চলিক বিষয়া অনন্ত কলিতাৰ লগতে কুকুৰমাৰা খণ্ড বন বিষয়া সঞ্জয় কুমাৰ নাথৰ সহযোগত চলা অভিযানত জব্দ হয় অবৈধ বালি ভৰ্তি ট্ৰাককেইখন ৷

ক’ভিড সৃষ্ট পৰিস্থিতিৰ পৰিপ্রেক্ষিত পাঠদান তথা পৰীক্ষা অনুষ্ঠিতকৰণ সন্দৰ্ভত মুখ্যমন্ত্ৰীৰ সৈতে ডিব্ৰুগড় বিশ্ববিদ্যালয়ৰ উপাচার্যকে ধৰি বিভিন্ন মহাবিদ্যালয় অধ্যক্ষসকলৰ বৈঠক ।

যোৱা 7 ছেপ্টেম্বৰৰ সন্ধিয়া বৰপেটাৰ পাটবাউসীত সংঘটিত হৈছিল এক নৃশংস হত্যাকাণ্ড ৷ সন্ধিয়া ঘৰৰ সন্মুখৰ পৰাই টিংকুমনি দাস নামৰ এজন যুৱ লেখক, সমাজকৰ্মী সন্ধানহীন হোৱাৰ কিছুসময় পিচতেই হাত ভৰি বন্ধা অৱস্থাত যুৱকজনৰ মৃতদেহটো উদ্ধাৰ হৈছিল ৷

ওদালগুৰিত বিপিএফৰ সমৰ্থকক খেদি পঠালে ৰাইজে ৷ বিপিএফৰ হৈ ভোট বিচাৰি যাওতেই ৰাইজৰ খেদা খালে বড়ো ওমেন জাষ্টিচ ফ'ৰামৰ কাৰ্যকৰী সভানেত্ৰীয়ে ।

জন্মাষ্টমীৰ দিনটোত ৰাধা-কৃষ্ণৰ সাজোন-কাচোন প্ৰতিযোগিতাত ভাগ লবলৈ আহিল এজাক শিশু ৷