নিউজ ডেস্ক, ২৮ ফেব্ৰুৱাৰী : দক্ষিণ কাশ্মীৰৰ পুলৱামা জিলাৰ অৱন্তীপুৰাত নিৰাপত্তা বাহিনী আৰু উগ্ৰপন্থীৰ মাজত সংঘটিত সংঘৰ্ষত দুটা উগ্ৰপন্থী নিহত আৰু এজন সেনা বিষয়া শ্বহীদ হয় (South Kashmirs Pulwama Awantipora encounter) । আনহাতে, এই এনকাউণ্টাৰটোক আৰক্ষীয়ে নিৰাপত্তা সংস্থাসমূহৰ বাবে এক ডাঙৰ সফলতা বুলি বৰ্ণনা কৰিছে ।
দক্ষিণ কাশ্মীৰ ৰেঞ্জৰ ডিআইজি মহম্মদ ৰেইছ বাটে (DIG South Kashmir Range Mohammad Raees Butt) সাংবাদিকৰ সৈতে হোৱা বাৰ্তালাপত কয় যে, এটা উগ্ৰপন্থীয়ে স্থানীয় মছজিদত আশ্ৰয় লোৱাৰ বাবে এনকাউণ্টাৰটো অতি সতৰ্কতাৰে সম্পন্ন কৰা হয় । ইয়াৰ পিছত সুৰক্ষা বাহিনীয়ে সতৰ্কতাৰে এনকাউণ্টাৰটো সম্পন্ন কৰে আৰু তাত উগ্ৰপন্থীটো নিহত হয় (militant killed in Padgampura Awantipora encounter) ।
তেওঁ কয় যে, আনটো উগ্ৰপন্থীয়ে এটা ঘৰত আশ্ৰয় লৈছিল । সুৰক্ষা বাহিনীয়ে তেওঁক তাতেই হত্যা কৰে । তেওঁ লগতে কয় যে এই সংঘৰ্ষত দুটা উগ্ৰপন্থী নিহত হোৱাটো সুৰক্ষা বাহিনী আৰু আৰক্ষীৰ বাবে এটা ডাঙৰ খবৰ । আনহাতে, তেওঁ কয় যে এই সংঘৰ্ষত এজন সেনা বিষয়াও শ্বহীদ হৈছে । ডিআইজিগৰাকীৰ মতে, নিহত উগ্ৰপন্থীটোক পুলৱামাৰ বাসিন্দা আকিব মুস্তাক ভাট বুলি চিনাক্ত কৰা হৈছে । তেওঁ কয় যে, আকিব আহমেদ হিজবুল মুজাহিদিনৰ এটা উগ্ৰপন্থী আছিল আৰু বৰ্তমান টিআৰএফ নামৰ এটা সংগঠনৰ বাবে কাম কৰি আছে । তেওঁ প্ৰকাশ কৰে যে, অন্য মৃত উগ্ৰপন্থীটোকো চিনাক্ত কৰা হৈছে ।
উল্লেখ্য যে, মঙলবাৰে অৱন্তীপুৰাৰ পদগামপুৰা অঞ্চলত নিৰাপত্তাৰক্ষী আৰু উগ্ৰপন্থীৰ উপস্থিতিৰ বিষয়ে এক গোপন তথ্য লাভ কৰা হৈছিল । এই তথ্যৰ ভিত্তিতে পিছত সুৰক্ষা বাহিনীয়ে অঞ্চলটোত তালাচী অভিযান আৰম্ভ কৰে । ইফালে কাশ্মীৰৰ এডিজিপিয়ে (ADGP Kashmir on Awantipora encounter) এনকাউণ্টাৰ সন্দৰ্ভত এক টুইটযোগে কয়, "নিহত উগ্ৰপন্থীটোক পুলৱামাৰ আকিব মুস্তাক ভাট বুলি চিনাক্ত কৰা হৈছে । আকিব আহমেদ ভাট এজন আগশাৰীৰ উগ্ৰপন্থী আছিল । তেওঁ প্ৰথমতে হিজবুল মুজাহিদীনৰ আছিল । তেওঁ পিছত টিআৰএফ নামৰ এটা উগ্ৰপন্থী সংগঠনৰ বাবে কাম কৰিছিল ।" তেওঁ টুইটটোত আৰু লিখিছে যে মৃত উগ্ৰপন্থীটো কাশ্মীৰী পণ্ডিত সঞ্জয় শৰ্মাৰ হত্যাত পোনপটীয়াকৈ জড়িত আছিল (Kashmiri Pandit Sanjay Sharma killing incident) ।
লগতে পঢ়ক :NSCN cadre apprehends: অৰুণাচলৰ টিৰাপত NSCN IM ৰ কেডাৰ আটক
