নিউজ ডেস্ক,3 জানুৱাৰী: মাত্ৰ 21 বছৰ সয়সতে গাঁও পঞ্চায়তৰ সভাপতিৰ দৰে গুৰুত্বপূৰ্ণ পদত নিৰ্বাচিত হৈছে কেৰালাৰ পথনমথিতা জিলাৰ এগৰাকী যুৱতী ৷ শেহতীয়াকৈ অনুষ্ঠিত হোৱা কেৰালাৰ পঞ্চায়ত নিৰ্বাচনত গাঁও পঞ্চায়তৰ সৰ্বকালৰ কনিষ্ঠতম সভাপতি হিচাপে নিৰ্বাচিত হৈছে ৰেশমা মেৰিয়াম ৰয় নামৰ যুৱতী গৰাকী ৷ পথনমথিতা জিলাৰ আৰোভাপ্পুলম গাঁও পঞ্চায়তৰ পৰা কংগ্ৰেছ দলৰ হৈ প্ৰতিদন্দিতা আগবঢ়াইছিল যুৱতী গৰাকীয়ে ৷ 2020 বৰ্ষৰ 18 নৱেম্বৰত 21 বছৰত ভৰি দিয়া যুৱতী গৰাকীৰ এই সফলতাত উৎফুল্লিত হৈ পৰিছে উক্ত পঞ্চায়তটোৰ অন্তৰ্গত ৰাইজ ৷ নৱ নিৰ্বাচিত পঞ্চায়ত প্ৰতিনিধি গৰাকীয়ে উন্নয়নৰ জোৱাৰ আনিব বুলি আশাবাদী আৰোভাপ্পুলম গাঁৱবাসী ৷
উল্লেখ্য যে, কেৰালাৰ পথনমথিতা জিলাৰ ভি এন এচ মহাবিদ্যালয়ৰ পৰা বাণিজ্য বিষয়ত স্নাতক ছাত্ৰী গৰাকী বহু কেইটা ছাত্ৰ সংগঠনৰ লগত পোনপটীয়াকৈ জড়িত হৈ আছিল ৷ SFI, DYFI আৰু CPIM দলৰ লগত পোটপটীয়া ভাৱে জড়িত আছিল ৰেশমা মেৰিয়াম ৰয় ৷ উল্লেখ্য যুৱতী গৰাকীৰ পিতৃ কাঠৰ ব্যৱসায়ী হোৱাৰ লগতে মাতৃ চেইন্ট ষ্টিফেন কলেজৰ কৰ্মচাৰী ৷
লগতে পঢ়কঃ আন এক নতুন বিতৰ্কত ৫ ভাৰতীয় ক্ৰিকেটাৰ
