নতুন দিল্লী, 30 ডিচেম্বৰ: এইমছৰ দ্বাৰা স্বতন্ত্ৰভাৱে নিৰ্মিত কোভাক্সিনৰ মানৱ পৰীক্ষণৰ 3 পৰ্যায়ৰ অসফল প্ৰচেষ্টাৰ পাচত এইবাৰ এইমছৰ চিকিৎসকসকলে নিজে নিজৰ দেহত ভেকচিনটো পৰীক্ষা কৰিবলৈ আগবাঢ়ি আহিছে ৷ চিকিৎসকসকলে কোভাক্সিনৰ কোনো পাৰ্শ্বক্ৰিয়া নাই বুলি লোকসকলক সজাগ কৰাৰ উদ্দেশ্যৰে এই ব্যৱস্থা গ্ৰহণ কৰিছে,কিয়নো কোভাক্সিন গ্ৰহণৰ বাবে 1500 গৰাকী লোকে নিজৰ নাম পঞ্জীয়ন কৰাৰ পাচত মাত্ৰ 500 গৰাকী লোকেহে এই ভেকচিন গ্ৰহণ কৰিছিল ৷
মডিৰ্না আৰু ফাইজাৰৰ পাচত ভাৰতীয় চিকিৎসা গৱেষণা পৰিষদ (আইচিএমআৰ) আৰু ভাৰত বায়োটেক্চৰ যুটীয়া সহযোগত ভাৰতত অতি সোনকালে কোভাক্সিন উপলব্ধ হোৱাৰ আশা প্ৰকাশ কৰিছে ৷ বৰ্তমান দিল্লীৰ এইমছত কোভাক্সিন অন্তিম পৰ্যায়ৰ পৰীক্ষণ চলি আছে ৷ চিকিৎসকসকলৰ ভিতৰত দিল্লী এইমছৰ গেৰিয়েত্ৰিক বিভাগৰ সহকাৰী অধ্যাপক ড৹ বিজয় কুমাৰ গুৰজাৰে মঙলবাৰে প্ৰথম বাৰৰ বাবে কোভাক্সিন গ্ৰহণ কৰে ৷ কোভাক্সিন গ্ৰহণ কৰিয়েই মানৱ পৰীক্ষণৰ বাবে সকলোকে আগবাঢ়ি আহিবলৈ আহ্বান জনাই কয় যে,কোভাক্সিন সম্পূৰ্ণৰূপে সুৰক্ষিত আৰু পাৰ্শ্বক্ৰিয়াহীন ৷ সকলোৱে এই যাত্ৰাৰ সহযাত্ৰী হওক,ই মানৱ জাতিক লাভান্বিত কৰিব ৷ পৰীক্ষণৰ বাবে মাত্ৰ 3 মি.লি তেজৰহে প্ৰয়োজন হ'ব আৰু এই পৰীক্ষণ সম্পূৰ্ণৰূপে বিনামূলীয়া ৷
লগতে পঢ়ক: নতুন বছৰত দেশবাসীৰ বাবে ভাল খবৰ, পিচে ভাল খবৰটো কি?
