নিউজ ডেস্ক,25 নৱেম্বৰ: মাৰাত্মক ঘেঁহুৰ বিস্ফোৰণজনিত ৰোগ নিৰাময়ৰ বাবে 2017 চনত কেন্দ্ৰীয় চৰকাৰে পশ্চিমবংগৰ মুৰ্চিদাবাদ আৰু নাডিয়া জিলাত বাংলাদেশৰ সীমাৰ সৈতে ঘেঁহু উৎপাদন নিষিদ্ধ ঘোষণা কৰিছিল ৷ এই দুখন জিলাত তিনিবছৰলৈ 5 কিল’মিটাৰ ব্যাসাৰ্ধলৈ ঘেঁহু খেতি কৰিব নোৱাৰিব ৷
কেন্দ্ৰৰ লগতে পশ্চিমবংগ চৰকাৰেয়ো এই কথা ঘোষণা কৰে ৷ ইয়াৰ পাচতে মুৰ্চিদাবাদ আৰু নাডিয়া জিলাত 8,000 একৰতকৈও অধিক ঘেঁহুৰ পথাৰ নিষিদ্ধকৰণৰ অন্তৰ্ভুক্ত হয় ৷
চলিত বৰ্ষত এই নিষিদ্ধকৰণৰ সময়সীমা উকলি গৈছে যদিও এতিয়াও ৰাজ্যৰ কৃষি বিভাগত পুনৰ ঘেঁহু খেতি কৰাৰ বিষয়টো উত্থাপন হোৱা নাই ৷ কৃষি বিভাগৰ লগতে কৃষি বিশেষজ্ঞসকলেও পুনৰ ঘেঁহু উৎপাদনৰ বিৰোধিতা কৰা বুলি জানিব পৰা গৈছে ৷
ভাৰত-বাংলাদেশ সীমাৰে অতিক্ৰম কৰা ম’হবোৰো এই ৰোগৰ বাহক হিচাপে কাম কৰে ৷ ভেঁকুৰ আৰু বেক্টেৰিয়াৰ দ্বাৰা এই ঘেঁহু বিস্ফোৰিত ৰোগ হয় আৰু ম’হৰ জৰিয়তে ই সহজেই সংক্ৰমিত হ’ব পাৰে ৷ এই সন্দৰ্ভত পশ্চিমবংগৰ কৃষি মন্ত্ৰী আশীষ বেনাৰ্জীৰ সৈতে ইটিভি ভাৰতে যোগাযোগ কৰিবলৈ চেষ্টা কৰিছিল যদিও তেওঁ কোনো প্ৰতিক্ৰিয়া ব্যক্ত নকৰিলে ৷
আনহাতে, সৰ্বভাৰতীয় কৃষক সভাৰ নেতা অমিয় পাত্ৰই কয় যে,‘‘এই ৰোগে ৰাজ্যৰ ঘেঁহু উৎপাদনত ব্য়াপক প্ৰভাৱ পেলাইছে ৷ ৰাজ্যজুৰি বাংলাদেশৰ সীমাৰ সৈতে ঘেঁহু উৎপাদনৰ বাবে ব্যৱহৃত 1,91,000 হেক্টৰ ভূমি নিষিদ্ধ কৰা হৈছে ৷ যদি পুনৰ উৎপাদন নিষিদ্ধ হয়, তেন্তে ঘেঁহুৰ নাটনি বৃদ্ধি পাব ৷ ৰাজ্য চৰকাৰে বৈপ্লৱিক উপায়েৰে ঘেঁহুৰ উৎপাদন বৃদ্ধি কৰিব লাগে ৷ অন্যথা উৎপাদনত বাধা আহি পৰিব’’ ৷
কৃষি বিশেষজ্ঞ তাপস ৰয়ে কয় যে, ৰাজ্যৰ কৃষি বিভাগত ঘেঁহু বিস্ফোৰণ অথবা হুইট ব্লাষ্ট বৃহৎ সমস্যা ৷ লেটিন আমেৰিকা আৰু ব্ৰাজিলৰ পাচত শেহতীয়াকৈ বাংলাদেশত সংক্ৰমিত হৈছে এই ৰোগ ৷ নাডিয়া আৰু মুৰ্চিদাবাদত 8,000 হেক্টৰ ঘেঁহুৰ পথাৰ জ্বলি চাৰখাৰ হয় ৷
লগতে পঢ়ক : ইন্দোৰৰ পৰা গুৱাহাটীলৈ পশ্চিমীয়া ৰে’লৱেৰ প্ৰথমখন কিষাণ ৰে’ল চলাচল
