নেচনেল ডেস্ক, ৮ অক্টোবৰ : ইণ্ডিয়ান ৰোড কংগ্ৰেছৰ ৮১ সংখ্যক অধিৱেশন (81st session of Indian Road Congress) ১১ বছৰৰ ব্যৱধানৰ পিছত শনিবাৰে উত্তৰ প্ৰদেশৰ ৰাজধানী লক্ষ্ণৌত আৰম্ভ হৈছে । ৰাজ্য চৰকাৰে আয়োজন কৰিবলগা কাৰ্যসূচীত সমগ্ৰ বিশ্বৰ পৰা ১৫০০ তকৈও অধিক প্ৰতিনিধিয়ে অংশগ্ৰহণ কৰিব (Indian Road Congress in Uttar Pradesh) ।
কেন্দ্ৰীয় পথ, পৰিবহণ আৰু ঘাইপথ মন্ত্ৰী নীতিন গাডকাৰী (Union Minister Nitin Gadkari) আৰু মুখ্যমন্ত্ৰী যোগী আদিত্যনাথে (Chief Minister Yogi Adityanath) শনিবাৰে আবেলি ৪ বজাত উক্ত অনুষ্ঠান উদ্বোধন কৰিব ।
কেন্দ্ৰীয় ৰাজ্যিক মন্ত্ৰী জেনেৰেল ভি কে সিঙেও অনুষ্ঠানটোত উপস্থিত থাকিব বুলি বিষয়াসকলে কয় । উল্লেখ্য, এইবাৰৰ ইণ্ডিয়ান ৰোড কংগ্ৰেছ অধিবেশনৰ ল'গ' হৈছে ৰাম মন্দিৰ (Ram Mandir) । বিষয়াসকলৰ মতে, উত্তৰ প্ৰদেশৰ মুঠ 200 জন প্ৰতিনিধিয়েও এই অনুষ্ঠানত অংশগ্ৰহণ কৰিব । আনহাতে, তাত 19 টা বিভিন্ন কাৰিকৰী অধিবেশন থাকিব ।
কেন্দ্ৰ আৰু ৰাজ্যৰ অভিযন্তা, পথ আৰু দলং সম্পৰ্কীয় প্ৰতিষ্ঠান, বিজ্ঞানী আৰু পৰামৰ্শদাতাসহ দেশ আৰু বিদেশৰ কাৰিকৰী বিশেষজ্ঞসকলৰ পৰা পথ সম্পৰ্কীয় বিষয়ৰ ওপৰত তাত উপস্থাপন কৰা হ'ব ।
কাৰিকৰী প্ৰদৰ্শনীত মুঠ 180 টা ষ্টল স্থাপন কৰা হ'ব য'ত সঁজুলি, যন্ত্ৰপাতি, সামগ্ৰী আৰু নতুন প্ৰযুক্তি সম্পৰ্কীয় তথ্য আদান-প্ৰদান কৰা হ'ব । অনুষ্ঠানটোত এখন সাংস্কৃতিক সন্ধিয়াও অনুষ্ঠিত হ'ব । সন্মিলনৰ পিছত প্ৰতিনিধিসকলক অযোধ্যা, বাৰাণসী, প্ৰয়াগৰাজ, মথুৰা আৰু বৃন্দাবন আদিৰ আধ্যাত্মিক আৰু সাংস্কৃতিক দিশসমূহৰ বিষয়ে অৱগত কৰোৱা হ'ব ।
লগতে পঢ়ক :ভাৰত জোড়ো যাত্ৰা: কৰ্ণাটকত আটক ‘PayCM' লিখা টি-চাৰ্ট পৰিহিত কংগ্ৰেছ কৰ্মী
