নেশ্যনেল ডেস্ক, ৩ ডিচেম্বৰ: ভাৰতীয় স্বাধীনতা সংগ্ৰামৰ মহানায়ক আৰু জাতিৰ পিতা মহাত্মা গান্ধীয়ে সত্য আৰু অহিংসাৰ বলত ব্ৰিটিছক মুখ থেকেচা খুৱাই ভাৰতক মুক্ত কৰাত গুৰুত্বপূৰ্ণ ভূমিকা পালন কৰিছিল । গান্ধীজীৰ স্মৃতি এতিয়াও হৰ্দা চহৰৰ এই পৰিয়ালটোৰ সৈতে জড়িত হৈ আছে । বিগত ৮৮ বছৰ ধৰি এই পৰিয়ালটোৱে জাতিৰ পিতৃ মহাত্মা গান্ধীৰ স্মৃতি জীয়াই ৰাখিছে । স্বাধীনতা সংগ্ৰামত গুৰুত্বপূৰ্ণ ভূমিকা পালন কৰিছিল হৰ্দাৰ স্বাধীনতা সংগ্ৰামীসকলে ।
গান্ধীজীয়ে হৰ্দাত উপস্থিত হোৱাৰ সময়ত চহৰখনৰ লোকসকলে তেওঁক উপহাৰ হিচাপে দিছিল টকা ভৰ্তি এটা মোনা । এই মোনাটোত আছিল ১,৬৩৩ টকা ১৫ অনা । টকাৰ মোনাটোৰ লগতে মহাত্মা গান্ধীক উপহাৰ স্বৰূপে দিয়া হৈছিল ৰূপৰ সামগ্ৰী । সেই সময়তে নিলাম কৰি দিয়া হৈছিল ৰূপৰ সামগ্ৰীখিনি ।
গান্ধীয়ে নিলাম কৰা ৰূপ হৰ্দাৰ সোকল পৰিয়ালৰ জ্যেষ্ঠ সদস্য তথা স্বাধীনতা সংগ্ৰামী প্ৰয়াত চম্পালাল শংকৰৰ পিতৃ তুলসীৰাম সোকলে ক্ৰয় কৰিছিল । এই ৰূপৰ সামগ্ৰীখিনি এতিয়ালৈকে সংৰক্ষণ কৰি ৰাখিছে হৰ্দাৰ সোকল পৰিয়ালৰ বৃদ্ধ ভগ্নীদ্বয়ে(Harda sisters preserves Gandhi's silver tray) ।
১৯৩৩ চনৰ ৮ ডিচেম্বৰত যেতিয়া জাতিৰ পিতা মহাত্মা গান্ধী হৰ্দালৈ আহিছিল(Mahatma Gandhi visits Harda before Independence), তেতিয়া হৰ্দাৰ ৰাইজে গান্ধীজীৰ ওপৰত পুষ্পবৃষ্টি কৰাৰ লগতে শাৰী পাতি থিয় হৈ তেওঁক আদৰণি জনাইছিল । জনসাধাৰণক ইমান শৃংখলিত ৰূপত দেখি গান্ধীজী গভীৰভাৱে প্ৰভাৱিত হয় আৰু তেওঁৰ ২০ মিনিটৰ ভাষণত হৰ্দাৰ ৰাইজৰ প্ৰশংসাত পঞ্চমুখ হৈ পৰে । লগতে হৰ্দাক কৰি 'হৃদয় নগৰী' আখ্যা দিয়ে মহাত্মা গান্ধীয়ে । গান্ধীজীৰ আগমণৰ বাবে আয়োজিত অনুষ্ঠানৰ অন্তত স্থানীয় ৰাইজে তেওঁক ১৬৩৩ টকা ১৫ অনাৰ লগতে মানপত্ৰ দিছিল ।
এই বিষয়ে হৰিজন সেৱক শীৰ্ষক বাতৰি কাকততো উল্লেখ কৰা হৈছিল । ৰঘুপতি ৰাঘৱ ৰাজা ৰাম শীৰ্ষক ভজনটিৰ সুৰ এতিয়াও প্ৰতিধ্বনিত হৈ আছে এই ঘৰটোত । স্বাধীনতা সংগ্ৰামী চম্পালালৰ ৯২ আৰু ৮৭ বছৰীয়া দুই কন্যাই এতিয়াও গান্ধীজীক স্মৰণ কৰে । তেওঁলোকৰ ঘৰত প্ৰতিদিনে ৰঘুপতি ৰাঘৱ ৰাজা ৰাম ভজনটি গাই গান্ধীৰ সংগ্ৰাম আৰু আদৰ্শক মনত পেলায় এই দুই বৃদ্ধাই ।
পৰিয়ালটোৱে সংৰক্ষণ কৰি ৰখা গান্ধীজীৰ ৰূপৰ ট্ৰেখনে এতিয়াও সেই সময়ৰ স্মৃতি সজীৱ কৰি ৰাখিছে । সৰলা সোকলেৰ জনোৱা মতে, তেওঁৰ ওচৰত শতাধিক গ্ৰন্থ আছিল । লগতে ভাৰতৰ স্বাধীনতাৰ পূৰ্বে তেওঁৰ দেউতাকে চলোৱা এটা যঁতৰো আছিল । তেওঁ এই সামগ্ৰীবোৰ আহমেদাবাদস্থিত সবৰমতী আশ্ৰমক উপহাৰ হিচাপে দিছে আৰু এতিয়াও এই সামগ্ৰীবোৰ আশ্ৰমৰ সংগ্ৰহালয়ত আছে ।
লগতে পঢ়ক:75 years of Independence : ১০২ বছৰৰ পিছতো একে উদ্যমেৰে কাম কৰি আছে মহাত্মা গান্ধীৰ 'নৱজীৱন' ন্যাসে
