নিউজ ডেস্ক, 23 জানুৱাৰী : বিগত কিছুদিনৰ তুলনাত শনিবাৰৰ দিনটোত কিছু পৰিমাণে হ্ৰাস পাইছে দেশৰ কৰ’ণা আক্ৰান্তৰ সংখ্যা ৷ কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা তথ্য অনুসৰি (Covid 19 update in India) 73,840 গৰাকী লোক শনিবাৰৰ দিনটোত নতুনকৈ ক’ভিডত আক্ৰান্ত হৈছে (New covid cases in India) ৷
বৰ্তমান দেশত আক্ৰান্তৰ সংখ্যা হৈছে 21,87,205 গৰাকী ৷ লগতে সক্ৰিয় আক্ৰান্তৰ হাৰ হৈছে 5.57 শতাংশ ৷
ইয়াৰ বিপৰীতে মৃত্যু ঘটিছে 525 গৰাকী লোকৰ ৷ ইয়াৰ লগে লগে দেশজুৰি ক’ভিডত মৃত্যু হোৱা লোকৰ সংখ্যা 4,89,409 গৰাকীলৈ বৃদ্ধি পাইছে ৷ যাৰ লগে লগে মৃত্যুৰ হাৰ হৈছে 1.25 শতাংশ ৷
উল্লেখ্য যে, আক্ৰান্তসকলৰ অধিকাংশই চিকিৎসাধীন অৱস্থাত আছিল ৷ চিকিৎসালয়ত ভৰ্তি হৈ থকা লোকসকলৰ ভিতৰত বিগত 24 ঘণ্টাত 2,59,168 গৰাকী লোকে আৰোগ্য লাভ কৰে ৷ ইয়াৰ লগে লগে আৰোগ্যৰ সংখ্যা হয়গৈ 3,65,60,650 গৰাকী ৷ সম্প্ৰতি আৰোগ্য হোৱা লোকৰ হাৰ হৈছে 93.18 শতাংশ ৷
সমান্তৰালকৈ বিগত 24 ঘণ্টাত 71,10,445 গৰাকী লোকক ক’ভিড ভেকচিন (Covid Vaccination in India) প্ৰদান কৰা হৈছে ৷ শনিবাৰলৈকে দেশত মুঠ 1,61,92,84,270 গৰাকী লোকক ক’ভিড টীকাকৰণ প্ৰদান কৰা হৈছে ৷
লগতে পঢ়ক : New SOP for Republic Day celebrations: গণৰাজ্য দিৱসৰ বাবে ক'ভিড সম্পৰ্কীয় নতুন নীতি-নিৰ্দেশনা
