Manipur Violence : মণিপুৰ জ্বলাৰ ৫০ দিন পিছতো কৰ্তব্য সম্পাদনত বিফল প্ৰধানমন্ত্ৰী; কংগ্ৰেছৰ অভিযোগ

জাতিগত সংঘৰ্ষই জোকাৰি যোৱা মণিপুৰৰ ১০ টা বিৰোধী দলৰ নেতাসকলে দিল্লীত শিবিৰ পাতি আছে । তেওঁলোকে ১০ জুনৰ পৰা প্ৰধানমন্ত্ৰীৰ পৰা সাক্ষাতৰ অনুমতি বিচাৰি আছে । কিন্তু এতিয়ালৈকে তেওঁক লগ কৰাত ব্যৰ্থ হৈছে । অৱশেষত তেওঁলোকে প্ৰধানমন্ত্ৰীৰ কাৰ্যালয়ক এখন স্মাৰক-পত্ৰ প্ৰদান কৰিছে ।

নিউজ ডেস্ক, ২১ জুন : মণিপুৰত হিংসাৰ জুই জ্বলি থকাৰ ৫০ দিন হ'ল । কিন্তু প্ৰধানমন্ত্ৰী নৰেন্দ্ৰ মোদীয়ে এই সংকটৰ সময়ত ইচ্ছাকৃতভাৱে হিংসাপীড়িত ৰাজ্যখনক উপেক্ষা কৰিছে । তেওঁৰ কৰ্তব্য সম্পাদনত সম্পূৰ্ণৰূপে বিফল হৈছে । বুধবাৰে এই অভিযোগ কৰে কংগ্ৰেছে । আনহাতে, কংগ্ৰেছৰ সাধাৰণ সম্পাদক জয়ৰাম ৰমেশে বিজেপি নেতৃত্বাধীন চৰকাৰক মণিপুৰত একেবাৰে নীৰৱ আৰু নূন্যতম শাসন ব্যৱস্থা দিয়া চৰকাৰ বুলি অভিযোগ কৰে ।

"প্ৰধানমন্ত্ৰীৰ আমেৰিকা ভ্ৰমণৰ সকলো বাতৰিৰ মাজতে আমি নিজকে সোঁৱৰাই দিওঁ যে আজি মণিপুৰৰ বেদনা, দুখ আৰু যন্ত্ৰণাৰ একেৰাহে ৫০ নম্বৰ দিন । কিন্তু দুখৰ বিষয় যে ইমানবোৰ বিষয়ত 'জ্ঞান' দিয়া প্ৰধানমন্ত্ৰীয়ে ৰাজ্যখনক আৱৰি ধৰা দুৰ্ঘটনা সন্দৰ্ভত একো এটা কোৱা নাই । তেওঁৰ পৰা সময় বিচৰা ৰাজনৈতিক দলসমূহৰ প্ৰতিনিধিসকলক সাক্ষাতৰ অনুমতি দিয়া নাই । আনকি তেওঁ মণিপুৰক লৈ চিন্তা কৰে বা এই ঘটনাত চিন্তিত বুলিও কোনো ইংগিত দিয়া নাই ।" ৰমেশে টুইটাৰত লিখিছে ।

• Let us remind ourselves amidst all the news of the Prime Minister’s visit to the USA that today is the 50th consecutive day of Manipur's pain, distress and agony.
  
  The Prime Minister who gives gyaan on so many issues has sadly not said a word on the tragedy that has engulfed the…

  — Jairam Ramesh (@Jairam_Ramesh) June 21, 2023 " class="align-text-top noRightClick twitterSection" data="

  Let us remind ourselves amidst all the news of the Prime Minister’s visit to the USA that today is the 50th consecutive day of Manipur's pain, distress and agony.
  
  The Prime Minister who gives gyaan on so many issues has sadly not said a word on the tragedy that has engulfed the…

  — Jairam Ramesh (@Jairam_Ramesh) June 21, 2023

  ">

  Let us remind ourselves amidst all the news of the Prime Minister’s visit to the USA that today is the 50th consecutive day of Manipur's pain, distress and agony.
  
  The Prime Minister who gives gyaan on so many issues has sadly not said a word on the tragedy that has engulfed the…

  — Jairam Ramesh (@Jairam_Ramesh) June 21, 2023

"তেওঁ সংকটৰ সময়ত মণিপুৰক ইচ্ছাকৃতভাৱে উপেক্ষা কৰিছে । ভাৰতৰ প্ৰধানমন্ত্ৰী হিচাপে তেওঁৰ কৰ্তব্য সম্পাদনত সম্পূৰ্ণৰূপে বিফল হৈছে । মণিপুৰৰ প্ৰতি তেওঁ প্ৰদৰ্শন কৰা আচৰণ আটাইতকৈ আচৰিত আৰু সেয়া বোধগম্যতাৰ বাহিৰত ।" তেওঁ লগতে কয় । আনহাতে, মণিপুৰ কংগ্ৰেছৰ মুখপাত্ৰ নিঙ্গোমবাম বুপেন্দা মেইটেয়েও প্ৰশ্ন কৰে, "মণিপুৰত চলি থকা অস্থিৰতা কিমান দিন চলিব ? মাহ, বছৰ নে দশকৰ বাবে ?"

মণিপুৰৰ জনসাধাৰণে এই বিষয়ে প্ৰধানমন্ত্ৰীৰ পৰা শুনাৰ অধিকাৰ আছে । প্ৰধানমন্ত্ৰীয়ে ৫০ দিন ধৰি নীৰৱতা অৱলম্বন কৰাৰ পৰিৱৰ্তে জনসাধাৰণক উত্তৰ দিবলৈ তেওঁ সাংবিধানিকভাৱে দায়বদ্ধ । তেওঁ লগতে কয় । "মণিপুৰক প্ৰায় ২ মাহ ধৰি একেৰাহে অন্ধকাৰ গহ্বৰত আবদ্ধ কৰি ৰখা হৈছে । কিয়নো ৰাজ্যখনৰ বিজেপি চৰকাৰে ইণ্টাৰনেটৰ ওপৰত নিষেধাজ্ঞা বাৰে বাৰে বৃদ্ধি কৰিছে । মণিপুৰৰ লোকসকল ইণ্টাৰনেট নিষেধাজ্ঞাৰ দ্বাৰা গভীৰভাৱে প্ৰভাৱিত হৈছে । কিয়নো ইতিমধ্যে বহু পেছাদাৰীয়ে ইণ্টাৰনেটৰ বাবে ৰাজ্যখন ত্যাগ কৰিছে ।" মেইটেয়ে এক টুইটযোগে কয় ।

উল্লেখ্য, জাতিগত সংঘৰ্ষই জোকাৰি যোৱা মণিপুৰৰ ১০ টা বিৰোধী দলৰ নেতাই বৰ্তমানো দিল্লীত শিবিৰ পাতি আছে । তেওঁলোকে ১০ জুনৰ পৰা প্ৰধানমন্ত্ৰীৰ পৰা সাক্ষাতৰ অনুমতি বিচাৰি আছে । কিন্তু এতিয়ালৈকে প্ৰধানমন্ত্ৰীক লগ কৰাত ব্যৰ্থ হৈছে । যাৰ বাবে উপায়ন্তৰ হৈ তেওঁলোকে প্ৰধানমন্ত্ৰীৰ কাৰ্যালয়ক এখন স্মাৰক-পত্ৰ প্ৰদান কৰিছে । এই সন্দৰ্ভত কংগ্ৰেছ নেতা শশী থাৰুৰে কয়, "মণিপুৰত ভয়ংকৰ হিংসা, ধ্বংস আৰু পলায়নৰ ঘটনাই বৰ্তমান ৫০ দিন অতিক্ৰম কৰিছে । কিন্তু এই ক্ষেত্ৰত চৰকাৰৰ নীৰৱতা আৰু নিষ্ক্ৰিয়তাক বুজি পোৱা নাই ।"

লগতে পঢ়ক :Manipur Violence : সাক্ষাৎ নকৰাকৈয়ে আমেৰিকালৈ ৰাওনা প্ৰধানমন্ত্ৰী; হতাশ মণিপুৰৰ বিৰোধী নেতৃবৰ্গ