নেশ্যনেল ডেস্ক, ১৭ অক্টোবৰ : দেশৰ অতি ব্যস্ত আৰু উন্নত চহৰসমূহৰ ভিতৰত অন্যতম হৈছে কৰ্ণাটকৰ ৰাজধানী চহৰ বেংগালুৰু । যাক গাৰ্ডেন চিটি বুলিও কোৱা হয় । চহৰখন সকলোৰে চকুত লগা আৰু উচ্চ প্ৰযুক্তি সম্পন্ন কোম্পানীবোৰ এইখন চহৰত যথেষ্ট পৰিমাণে আছে । কিন্তু চহৰখন সন্দৰ্ভত চলোৱা এক শেহতীয়া জৰীপে চিন্তিত কৰি তুলিছে সাধাৰণ নাগৰিকৰ লগতে চৰকাৰক ।
জৰীপ অনুসৰি, সমগ্ৰ চহৰখনত আছে প্ৰায় ৪০৪ টা জৰাজীৰ্ণ অট্টালিকা । যিবোৰ অট্টালিকা অতি বিপদজনক অৱস্থাত আছে আৰু যিকোনো মূহুৰ্তত খহি পৰাৰ সম্ভাৱনা আছে । ইতিমধ্যে জৰীপৰ প্ৰতিবেদন সংশিষ্ট কৰ্তৃপক্ষক দাখিল কৰা হৈছে । অট্টালিকাবোৰৰ এনে অৱস্থাৰ কথা গম পোৱাৰ পাছতে বিপদৰ আশংকা কৰি প্ৰশাসনে এক জৰুৰী বৈঠকৰ আহ্বান জনাইছে ।
