নেশ্যনেল, 20 জুন: দিল্লীৰ মংগোলপুৰীত সংঘটিত হৈছে এক ভয়ংকৰ অগ্নিকাণ্ড ৷ চিলিণ্ডাৰ বিস্ফোৰণৰ ফলত সংঘটিত হোৱা অগ্নিকাণ্ডত নিমিষতে জাহ গ'ল লক্ষাধিক টকাৰ সম্পত্তি ৷ অগ্নি নিৰ্বাপক বাহিনীৰ বিষয়াই জনোৱা মতে, মংগোলপুৰীৰ এটি বাসগৃহত চিলিণ্ডাৰ লিকেজ হোৱাৰ ফলতে এই ভয়ানক অগ্নকাণ্ডটো সংঘটিত হয় ৷ ঘটনাস্থলীৰ পৰা কোনো লোকে খবৰ দিয়াত ততাতৈয়াকৈ অগ্নি নিৰ্বাপক বাহিনীৰ তিনিখন বাহন ঘটনাস্থলীত উপস্থিত হৈ জুই নিৰ্বাপন কৰে ৷
লগতে পঢ়ক: দৰঙত উৎখাত আঠটাকৈ চুলাইৰ ঘাটি
প্ৰায় এঘণ্টা যোৰা প্ৰচেষ্টাৰ অন্ত জুই নিৰ্বাপিত হয় যদিও অগ্নিকাণ্ডটোৰ ফলত প্ৰায় 13 গৰাকী লোক কম-বেছি পৰিমানে আঘাতপ্ৰাপ্ত হয় ৷ আঘাতপ্ৰাপ্ত আটাইকেইজনকে বৰ্তমান চিকিৎসালয়ত ভৰ্তি কৰোৱা হৈছে ৷ এই পৰ্যন্ত ক্ষয়-ক্ষতিৰ কোনো হিচাপ লাভ কৰা নাই যদিও ঘটনা সন্দৰ্ভত আৰক্ষীয়ে প্ৰাৰম্ভিক তদন্ত আৰম্ভ কৰিছে ৷
লগতে পঢ়ক: মানিকপুৰত দমকলৰ পৰা নিৰ্গত হোৱা হালধীয়া পানীৰ আঁৰৰ ৰহস্য কি ?
