লাচিতৰ প্ৰতিমূৰ্তিৰ লগত বীৰ লাচিত সেনাৰ বৃহৎ সমদল

গোলাঘাট, 16 ফেব্ৰুৱাৰী: লাচিত বৰফুকনৰ প্ৰতিমূৰ্তি গুৱাহাটীৰ পৰা যোৰহাটলৈ কঢ়িয়াই নিয়াৰ সময়ত দেৰগাঁৱত বীৰ লাচিত সেনাৰ বৃহৎ সমদল ৷ ২০১৬ চনতে বীৰেণ সিংহই নিৰ্মাণ সম্পূৰ্ণ কৰা লাচিত বৰফুকনৰ সুউচ্চ প্ৰতিমূৰ্তিটো বীৰ লাচিত সেনাই স্থাপন কৰিব যোৰহাটৰ মেলেং মেটেলিৰ লাচিত বৰফুকন ক্ষেত্ৰত ৷

গুৱাহাটীৰ পৰা বহুকেইখন গাড়ীৰে সমদল কৰি অনা লাচিত বৰফুকনৰ প্ৰতিমূৰ্তি আদৰণি আনি কাজিৰঙা, নুমলীগড় হৈ উপস্থিত হয় দেৰগাঁৱত ৷ বীৰ লাচিত বৰফুকনলৈ শ্ৰদ্ধা জনাই লোৱা এই পদক্ষেপত ৰাইজৰ সঁহাৰি দেখি অভিভূত হৈ পৰিছে সংগঠনটোৰ নেতা-কৰ্মীসকল  ।

উল্লেখ্য যে অহা দুই-তিনিমাহৰ ভিতৰত বৃহৎ অনুষ্ঠান আয়োজন কৰি প্ৰতিষ্ঠা কৰা হ’ব এই প্ৰতিমূৰ্তি । দেৰগাঁৱৰ ৰাজপথত হৰিনাম গাই আনন্দত মতলীয়া হৈ পৰা পৰিলক্ষিত হয় বীৰ লাচিত সেনাৰ নেতা-কৰ্মীসকল ৷

লগতে পঢ়ক: মাৰ্চৰ প্ৰথম সপ্তাহত অসমলৈ আহিব প্ৰধানমন্ত্ৰী মোদী !