লখিমপুৰত শ্বহীদ ভগত সিঙলৈ তিনি সংগঠনৰ শ্ৰদ্ধাঞ্জলি - tributes to shaheed bhagat singh

লখিমপুৰ, ২৩ মাৰ্চ : আজি শ্বহীদ দিৱস ৷ সমগ্ৰ দেশৰ লগতে লখিমপুৰতো শনিবাৰে তিনিটাকৈ সংগঠনে যৌথভাৱে পালন কৰে শ্বহীদ দিৱসৰ কাৰ্যসূচী ৷ এই শ্বহীদ দিৱসৰ কাৰ্যসূচীতে শ্বহীদ ভগত সিঙলৈ শ্ৰদ্ধাঞ্জলি জ্ঞাপন কৰা হয় ।

লখিমপুৰ জিলা আয়ুক্তৰ কাৰ্যালয়ৰ সন্মুখত 'শ্বহীদ ভগত সিং অমৰ হওক', 'ভগত সিং তোমাক নাপাহৰো' আদি শ্ল’গান দি ভগত সিঙৰ প্ৰতিচ্ছবিত পুষ্পাঞ্জলি অৰ্পণ কৰা হয় । এআইডিএছঅ', এআইডিৱাইঅ' আৰু এআই এমএছএছৰ উদ্যোগত আয়োজিত এই শ্ৰদ্ধাঞ্জলি জ্ঞাপন অনুষ্ঠানত অংশগ্রহণ কৰে এছইউচিআইৰ লখিমপুৰ লোকসভা সমষ্টিৰ প্ৰাৰ্থী পল্লৱ পেগুৱে ।

প্ৰাৰ্থী পল্লৱ পেগুৱে কয়, "দেশৰ স্বাধীনতা যুদ্ধৰ সৈনিক শ্বহীদ ভগত সিঙৰ প্ৰাসংগিকতা শেষ হোৱা নাই । বৰং বৃদ্ধিহে পাইছে । সাম্প্রতিক দেশৰ পুঁজিপতি শাসন ব্যবস্থাৰ দৰে বাতাবৰণৰ বাবে শ্বহীদগৰাকীয়ে জীৱন দান দিয়া নাছিল ।" তেওঁ শ্বহীদ ভগত সিঙৰ আদৰ্শ সাৰোগত কৰি সকলোকে দেশ তথা সমাজৰ হকে কাম কৰিবলৈ আহ্বান জনায় ।

লগতে পঢ়ক : শ্বহীদ দিৱস ২০২৪ : শ্বহীদক সুঁৱৰি আজিৰ এক অৱলোকন - Shaheed Diwas