আন্তঃৰাষ্ট্ৰীয় পৰ্যায়ত শ্ৰেষ্ঠত্ব আঁজুৰিলে মাজুলীৰ পবিত্ৰই

মাজুলী: আন্তঃৰাষ্ট্ৰীয় পৰ্যায়ত জিলিকিল মাজুলীৰ সন্তান । দেহশ্ৰী প্ৰতিযোগিতাত আঁজুৰিলে শ্ৰেষ্ঠত্বৰ খিতাপ । দেশলৈ গৌৰৱ কঢ়িয়াই মাজুলীৰ পবিত্ৰ নাথৰ মালদ্বীপত অনুষ্ঠিত Men's sports Physique ত অংশগ্ৰহণ কৰি প্ৰথম স্থান লাভ । ১৫ সংখ্যক World Bodybuilding & physique sport championships ত ভাৰতৰ হৈ ক্ৰীড়া প্ৰতিযোগিতাত অংশগ্ৰহণ কৰি শ্ৰেষ্ঠত্বৰ খিতাপ অৰ্জন কৰে মাজুলীৰ পবিত্ৰই ।  

ইফালে মাজুলীৰ পুৰণিবাৰী গাঁৱৰ নিৱাসী পবিত্ৰ নাথৰ এই বিৰল কৃতিত্বত গাঁওখনৰ লগতে সমগ্ৰ মাজুলীতে আনন্দৰ জোৱাৰ উঠিছে । পবিত্ৰৰ এই সফলতাত নিজৰ গাঁৱৰ লগতে উৎফুল্লিত আজি দেশবাসী । পৱিত্ৰৰ এই সফলতাত মাজুলীৰ ৰাজপথত দেখিবলৈ পোৱা গৈছে আৱতৰীয়া দীপাৱলী । ৰাজপথত ফটকা ফুটাই আনন্দ কৰা দেখা গৈছে মাজুলীৰ ৰাইজে । 

লগতে পঢ়ক: আন্তঃৰাষ্ট্ৰীয় শৰীৰচৰ্চা প্ৰতিযোগিতাত উজলিল হিৰকজ্যোতি