বাক্সাত প্ৰাপ্য বিচাৰি চাহ শ্ৰমিকৰ প্ৰতিবাদ

বাক্সা,২৭ ফেব্ৰুৱাৰী: বাক্সাৰ ফাতেমাবাদ চাহ বাগিচাৰ চাহ শ্ৰমিকৰ তীব্ৰ প্ৰতিবাদ । স্থানীয় বাঁহবাৰী আৰক্ষী চকীৰ সন্মুখত প্ৰতিবাদ সাব্যস্ত কৰে শ্ৰমিকসকলে । বাগিচাখনৰ মালিক ৰাজেশ জালানে শ্ৰমিকসকলক এমাহ ধৰি প্ৰাপ্য মজুৰি আদায় নিদিয়াৰ বিৰুদ্ধে তীব্ৰ প্ৰতিবাদ সাব্যস্ত কৰে । মালিক ৰাজেশ জালানৰ বিৰুদ্ধে ভিন্ন শ্ল'গান দি প্ৰতিবাদস্থলী উত্তাল কৰি তোলে শ্ৰমিকসকলে ।  

ৰাজেশ জালানে শ্ৰমিকসকলক কোনো সঁহাৰি নিদিয়াত ক্ষোভিত হৈ পৰে শ্ৰমিকসকল । কেবাদিনো ধৰি শ্ৰমিকসকলে প্ৰতিবাদ সাব্যস্ত কৰি আহিছে যদিও চাহ বাগিচাখনৰ মালিক ৰাজেশ জালানৰ লগতে জিলা প্ৰশাসনৰ লোকসকলেও শ্ৰমিক সকলক কোনো গুৰুত্ব নিদিয়াৰ অভিযোগ শ্ৰমিকসকলৰ । এমাহ ধৰি প্ৰাপ্য মজুৰি নোপোৱাত পৰিয়াল পোহপাল দিয়াত বিমোৰত পৰিছে শ্ৰমিকসকল ।

লগতে পঢ়ক: শিলসাঁকোৰ উচ্ছেদিতৰ প্ৰতিবাদ: এইবাৰ সময়সীমা বান্ধি দি মুখ্যমন্ত্ৰীলৈ স্মাৰকপত্ৰ প্ৰেৰণ