লখিমপুৰত এছ ইউ চি আইৰ প্ৰাৰ্থী পল্লৱ পেগুৰ মনোনয়ন দাখিল - LOK SABHA ELECTIONS

লখিমপুৰ, ২৬ মাৰ্চ : লোকসভা নিৰ্বাচনলৈ মাজত কেইটামান দিন ৷ লখিমপুৰত মঙলবাৰে এছ ইউ চি আইৰ প্ৰাৰ্থী পল্লৱ পেগুৱে মনোনয়ন দাখিল কৰে । মনোনয়ন দাখিল কৰি পেগুৱে সংবাদ মাধ্যমৰ আগত কংগ্রেছ-বিজেপি আদি দলৰ বিৰুদ্ধে সোচ্চাৰ হৈ পৰে । 

তেওঁ কয় যে, আদৰ্শগতভাৱে কংগ্রেছ-বিজেপিৰ কোনো পাৰ্থক্য নাই। তেওঁলোকে পুঁজিপতিৰ সেৱা কৰি আছে ৷ এছ ইউ চি আইৰ প্ৰাৰ্থী পল্লৱ পেগুৱে লগতে কয় যে, ৰাজনৈতিক আদৰ্শক দুৰ্নীতি, ভ্ৰষ্টাচাৰলৈ পৰিণত কৰিছে বিজেপি-কংগ্রেছ আদি দলে । কংগ্রেছ-বিজেপিয়ে বুৰ্জোৱা শ্ৰেণী পুঁজিপতিৰ সেৱা কৰাৰ বিপৰীতে বামপন্থীসকলে শ্রমিক-কৃষক মেহনতি জনতাৰ মুক্তিৰ আন্দোলনক শক্তিশালী কৰাৰ প্ৰয়াস কৰি আছে ৷

কংগ্রেছ-বিজেপি আদি দলে জয় লাভ কৰি আহিছে। কিন্তু ৰাইজৰ জয় হোৱা নাই । ৰাইজৰ প্ৰকৃত জয়ৰ বাবে এছ ইউ চি আই গণতান্ত্রিক ব্যৱস্থাৰে আগবাঢ়ি আহিছে বুলি মন্তব্য প্ৰকাশ কৰে পেগুৱে ৷ 

লগতে পঢ়ক: কংগ্ৰেছৰ কোনে, ক’ত, কেতিয়া দিব মনোনয়ন ? - Lok Sabha Elections