ৰাইজে উলহ-মালহৰে বিজেপিত যোগদানৰ প্ৰতি আন্তৰিকতা দেখুৱাইছে: সৰ্বানন্দ সোণোৱাল - BJP membership drive 2024

জোনাই,২০ ছেপ্টেম্বৰ: ৰাজ্যত সদস্যভর্তি অভিযান তীব্ৰতৰ কৰি তুলিছে বিজেপিয়ে । যুদ্ধংদেহী মনোভাৱেৰে সদস্যভৰ্তি অভিযানত জঁপিয়াই পৰিছে বিজেপিৰ মন্ত্ৰী-বিধায়ক তথা কৰ্মকৰ্তাসকল । ৰাজ্যৰ বিভিন্ন প্ৰান্তৰ সমান্তৰালভাৱে নতুনকৈ গঠিত চিচিবৰগাঁও সমষ্টিৰ টকৌবাৰীত শুকুৰবাৰে ভাৰতীয় জনতা পাৰ্টীৰ সদস্যভৰ্তি অভিযান অনুষ্ঠিত হয় । এই অনুষ্ঠানত সহস্রাধিক লোকে আনুষ্ঠানিকভাৱে দলটোত যোগ দিয়ে । চিচিবৰগাঁও সমষ্টিত উপস্থিত হৈ নতুন বিজেপি সদস্যভৰ্তি অভিযান কাৰ্যসূচীত ৰাইজৰ লগত কেন্দ্ৰীয় মন্ত্ৰী সৰ্বানন্দ সোণোৱালে মত বিনিময় কৰে ।  

মন্ত্ৰীগৰাকীয়ে সদস্যভৰ্তি কাৰ্যসুচী সফল কৰাৰ বাবে বিশেষকৈ সাংসদ প্ৰদান বৰুৱা আৰু বিজেপিৰ ধেমাজি জিলা সভানেত্ৰী ৰূপা কামানক ধন্যবাদ জনায় । ৰাইজৰ মাজত থিয় হৈ ৮৮০০০০২০২৪ এই নম্বৰলৈ Miss Call দি বিজেপিত যোগদান কৰিবলৈ সাধাৰণ জনতাক আহ্বান জনাই সোণোৱালে । চিচিবৰগাঁও সমষ্টিত বিজেপিৰ নতুন সদস্যভৰ্তি অভিযান কাৰ্যসূচী সম্পন্ন কৰি ঢকুৱাখনা সমষ্টিলৈ ৰাওনা হয় কেন্দ্ৰীয় মন্ত্ৰী সৰ্বানন্দ সোণোৱালে ।