বঙাইগাঁৱত খালিস্তানী বিদ্ৰোহীৰ ফটো সম্বলিত হ'ৰ্ডিং আঁতৰালে আৰক্ষীয়ে: আটক এক - photos of khalistani rebel

বঙাইগাঁও,৩১ মাৰ্চ :বঙাইগাঁও জিলাৰ চৌৰাগুৰীস্থিত খালচা হোটেল আৰু গৰাইমাৰীস্থিত ইউ পি পাঞ্জাৱ হাৰিয়ানা লাইন হোটেল দুখনৰ সন্মুখত খালিস্তানী বিদ্ৰোহী ভিন্দ্ৰনৱালেৰ ফটো সম্বলিত হ'ৰ্ডিং আঁৰি থোৱাক লৈ আজি প্ৰতিক্ৰিয়াৰ সৃষ্টি হয় । উল্লেখ্য যে খালচা হোটেলৰ স্বত্বাধিকাৰী হৈছে গৌৰমুখ সিং আৰু ইউ পি পাঞ্জাৱ হাৰিয়ানা লাইন হোটেলৰ স্বত্বাধিকাৰী ছিৰাজ আলী । সামাজিক মাধ্যমত এই হ'ৰ্ডিঙে চৰ্চা লাভ কৰাৰ পাছত উক্ত হ'ৰ্ডিঙৰ বিৰুদ্ধে দেওবাৰে পদক্ষেপ গ্ৰহণ কৰে ভাৰতীয় জনতা যুৱ মৰ্চাৰ চিৰাং জিলা সমিতিয়ে ।  

চিৰাং জিলা যুৱ বিজেপিৰ সভাপতি ৰাকেশ দাসৰ নেতৃত্বত যুৱ বিজেপিৰ একাংশ কাৰ্যকৰ্তা দেওবাৰে লাইন হোটেল দুখনৰ সন্মুখলৈ আহি গেৰুকাবাৰী আৰক্ষী পহৰা চকীত খবৰ দিয়ে । পাছত গেৰুকাবাৰীৰ আৰক্ষী ঘটনাস্থলীত উপস্থিত হৈ উক্ত খালিস্তানী বিদ্ৰোহীৰ ফটো সম্বলিত হ'ৰ্ডিং লাইন হোটেল দুখনৰ সন্মুখৰ পৰা আঁতৰাই কেইখনমান জব্দ কৰি গেৰুকাবাৰী পহৰা চকীলৈ লৈ যায় । গেৰুকাবাৰীৰ আৰক্ষীয়ে চৌৰাগুৰীৰ খালচা হোটেলৰ স্বত্বাধিকাৰী গৌৰমুখ সিঙক আটক কৰি সোধা-পোছা আৰম্ভ কৰিছে ।

লগতে পঢ়ক:সমুখত নিৰ্বাচন : থানাই থানাই জমা হৈছে বাৰ হাজাৰৰো অধিক মাৰণাস্ত্র - Lok Sabha Election 2024