আন্তঃৰাষ্ট্ৰীয় পাঞ্জা প্ৰতিযোগিতাত মনোজ দেৱনাথে আজুৰিলে ব্ৰঞ্জৰ পদক - International Arm wrestling
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jul 18, 2024, 7:47 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/18-07-2024/640-480-21984622-thumbnail-16x9-dibrugarhxx.jpg)
ডিব্ৰুগড়, 18 জুলাই : ক্ৰীড়া ক্ষেত্ৰত চমকপ্ৰদ সফলতা অৰ্জন কৰি অসমৰ খেলুৱৈয়ে বিশ্বত দেশৰ নাম উজলাবলৈ সক্ষম হৈছে ৷ ইয়াৰ মাজতে আন্তঃৰাষ্ট্ৰীয় পাঞ্জা প্ৰতিযোগিতাত ব্ৰঞ্জৰ পদক লাভ কৰি দেশলৈ গৌৰৱ কঢ়িয়াই আনিলে ডিব্ৰুগড়ৰ এজন প্ৰতিভাৱান খেলুৱৈয়ে ৷
বিগত 13 আৰু 14 জুলাইত ভিয়েটনামত অনুষ্ঠিত হোৱা 70 কেজি অনুৰ্ধ Hanoi Open International Arm Wrestling Championship ত ভাৰতৰ হৈ প্ৰতিনিধিত্ব কৰি ডিব্ৰুগড়ৰ প্ৰতিভাৱান খেলুৱৈ মনোজ দেৱনাথে আন্তঃৰাষ্ট্ৰীয় পৰ্যায়ত ব্ৰঞ্জৰ পদক লাভ কৰিবলৈ সক্ষম হয় ৷ থাইলেণ্ডৰ যুৱ বিশ্ব চেম্পিয়ন জছ নিকোলাছৰ বিৰুদ্ধে প্ৰতিদ্বন্দ্বিতা আগবঢ়াই এই পদক লাভ কৰে মনোজ দেৱনাথে ৷
উল্লেখ্য যে, এইবাৰৰ এই প্ৰতিযোগিতাত ৰাছিয়া, কাজাখাস্তান, চীন, চিংগাপুৰ আদিকে ধৰি বিশ্বৰ 12 খন দেশৰ খেলুৱৈয়ে অংশগ্ৰহণ কৰিছিল ৷ অসমৰ পৰা কেৱল মনোজ দেৱনাথে দেশৰ হৈ প্ৰতিনিধিত্ব কৰিবলৈ নিমন্ত্ৰণ লাভ কৰি এই সফলতা লাভ কৰাত উৎফুল্লিত দেশ তথা ৰাজ্যৰ ক্ৰীড়াপ্ৰেমী ৷ আজি ডিব্ৰুগড় বিমানবন্দৰত উপস্থিত হোৱাত খেলুৱৈগৰাকীক উষ্ম আদৰণি জনাই বিভিন্ন দল-সংগঠনে ৷
লগতে পঢ়ক : অলিম্পিকৰ পৰা নিষিদ্ধ হোৱা অলিম্পিক ইতিহাসৰ আটাইতকৈ অদ্ভুত খেলসমূহ - Paris Olympic 2024