বৰপেটাৰোডত ভয়ংকৰ অগ্নিকাণ্ডত দুই কোটি টকাৰ সামগ্ৰী ভস্মীভূত - FIRE INCIDET IN BARPETA ROAD

বৰপেটাৰোড, ১৩ আগষ্ট: বৰপেটাৰোডত মঙলবাৰে পুৱা সংঘটিত হয় এক ভয়ংকৰ অগ্নিকাণ্ডৰ ঘটনা । বৰপেটাৰোডৰ খুচুৰা শাক-পাচলি বজাৰৰ সমীপৰ গীতাঞ্জলি ইলেক্ট্ৰনিকছ নামৰ পাইকাৰী ব্য়ৱসায়িক প্ৰতিষ্ঠানখনত মঙলবাৰে পুৱা সংঘটিত হয় এক ভয়ংকৰ অগ্নিকাণ্ড । উক্ত অগ্নিকাণ্ডত প্ৰায় দুই কোটি টকাৰ বিভিন্ন সা-সামগ্ৰী ভস্মীভূত হোৱা বুলি কয় ব্য়ৱসায়িক প্ৰতিষ্ঠানখনৰ গৰাকীয়ে ।  

বৰপেটাৰোডৰ বাসিন্দা দীপক বেংগানীৰ ইলেক্ট্ৰনিকছৰ পাইকাৰী ব্য়ৱসায়িক প্ৰতিষ্ঠানখনত বৈদ্যুতিক শ্বৰ্ট চাৰ্কিটৰ ফলত অগ্নিকাণ্ডটো সংঘটিত হোৱা বুলি সন্দেহ কৰা হৈছে । অগ্নিকাণ্ডৰ প্ৰকোপ ইমানেই ভয়াৱহ আছিল যে ব্য়ৱসায়িক প্ৰতিষ্ঠানখনৰ কাষত থকা আন কেবাখনো দোকানলৈ এই জুই সম্প্ৰসাৰিত হয় । পুৱা প্ৰায় ছয় বজাত সংঘটিত এই অগ্নিকাণ্ডৰ পিচতেই বৰপেটাৰোড,বৰপেটা, সৰভোগ আৰু পাঠশালাৰ পৰা ১০ খনকৈ অগ্নিনিৰ্বাপক বাহিনীৰ গাড়ী ঘটনাস্থলীত উপস্থিত হৈ জুই নিৰ্বাপিত কৰিবলৈ সক্ষম হয় ।

লগতে পঢ়ক:গোলাঘাটৰ মৰঙিৰ শ’লমাৰিত চলন্ত অৱস্থাত দাওদাওকৈ জ্বলিল এখন বালিভৰ্তি ডাম্পাৰ