পদপথৰ আৰ্তজনৰ কাষত নজৰুল : নতুন কাপোৰ পিন্ধাই খুৱালে আহাৰ - Eid al Adha

কলিয়াবৰ, 17 জুন : আজি পবিত্ৰ ঈদ-উল-আজহা ৷ ৰাজ্যজুৰি ইছলাম ধৰ্মাৱলম্বী লোকসকলে উলহ-মালহেৰে পালন কৰিছে এই উৎসৱ ৷ পবিত্ৰ ঈদ-উল-আজহাৰ দিনটোত কলিয়াবৰৰ এজন যুৱকে গ্ৰহণ কৰিলে ব্যতিক্ৰমী পদক্ষেপ ৷ আজিৰ দিনটোত পদপথৰ নিৰাশ্ৰয়ী আৰ্তজনক সহায়ৰ হাত আগবঢ়ালে মানৱ দৰদী যুৱক নজৰুল ইছলামে ৷ মানসিকভাৱে বাধাগ্ৰস্ত, বিশেষভাৱে সক্ষম পদপথৰ ব্যক্তিক দাড়ি-চুলি কাটি, গা ধুৱাই নতুন পোচাক পিন্ধালে যুৱকজনে ৷ লগতে এই লোকসকলক দুপৰীয়াৰ আহাৰৰ যোগানো ধৰে নজৰুল ইছলামে ৷

উল্লেখ্য যে নজৰুল ইছলাম নামৰ এই ব্যক্তিজনে প্ৰতিটো ঈদতে এইদৰে আৰ্তজনক সহায়ৰ হাত আগবঢ়াই আহিছে ৷ এইবাৰো তাৰ ব্যতিক্ৰম নহ’ল ৷ যুৱকজনে পদপথৰ অসহায়জনক নতুন কাপোৰ দি, এসাঁজ খুৱাই মানৱতাৰ নিদৰ্শন দাঙি ধৰে ৷ 

লগতে পঢ়ক : প্ৰতিকূল বতৰৰ মাজতেই বিশ্ব শান্তিৰ বাবে সমূহীয়া নামাজ - Eid Al Adha 2024