কৃপানাথ মাল্লাৰ হৈ মুখ্যমন্ত্ৰীয়ে চলালে নিৰ্বাচনী প্ৰচাৰ - Lok Sabha elections 2024

শিলচৰ, ২০ এপ্ৰিল: কাছাৰ আৰু কৰিমগঞ্জত চাৰিখন নিৰ্বাচনী সভা সামৰি শনিবাৰে হাইলাকান্দিত বিশাল ৰোড শ্ব'ত অংশগ্ৰহণ কৰে মুখ্যমন্ত্ৰী ড৹ হিমন্ত বিশ্ব শৰ্মাই । কৰিমগঞ্জ লোকসভা সমষ্টিৰ বিজেপি প্ৰাৰ্থী কৃপানাথ মাল্লাক লগত লৈ হাইলাকান্দিত ৰোড শ্ব'ত অংশগ্ৰহণ কৰিলে মুখ্যমন্ত্ৰীগৰাকীয়ে । আজি আবেলি হাইলাকান্দি চহৰত আয়োজন কৰা ৰোড শ্ব'ত হাজাৰ হাজাৰ লোকে অংশগ্ৰহণ কৰে।  

এই ৰোড শ্ব' হাইলাকান্দি কলেজ ৰোডৰ পৰা মাটিজুৰি পইন্টলৈ দুই কিলো মিটাৰ সামৰি লয় । উল্লেখ্য যে আজি তৃতীয়বাৰ বৰাকৰ দুই প্ৰাৰ্থী হৈ নিৰ্বাচনী প্ৰচাৰ চলাই ড৹ হিমন্ত বিশ্ব শৰ্মাই । মুখ্যমন্ত্ৰীগৰাকীয়ে শনিবাৰে কাছাৰৰ ধলাই আৰু বৰখলাৰ শিলকুড়িত প্ৰথমে প্ৰচাৰ চলায় । তাৰ পিচত কৰিমগঞ্জ লোকসভা সমষ্টিৰ বিজেপি প্ৰাৰ্থী কৃপানাথ মাল্লাৰ হৈ বদৰপুৰ আৰু পাথাৰকান্দিৰ ইচাবিল অঞ্চলত দুখন নিৰ্বাচনী প্ৰচাৰ সভাত অংশগ্ৰহণ কৰে ।

লগতে পঢ়ক:বৰাকত মুখ্যমন্ত্ৰী : পৰিমল শুক্লবৈদ্যৰ হৈ চলালে নিৰ্বাচনী প্ৰচাৰ - Lok Sabha Election 2024