একালৰ সহকৰ্মী-শিক্ষাৰ্থীৰ সৈতে আনন্দ উপভোগত ব্যস্ত ৰাজ্যপাল কাটাৰিয়া - Gulab Chand Kataria in Jhadol

নেশ্যনেল ডেস্ক, 13 জুলাই: শনিবাৰে অসমৰ ৰাজ্যপাল গুলাবচান্দ কাটাৰিয়াই ৰাজস্থানৰ কাটাৰিয়া জিলাৰ ঝাদোল গাঁৱত উপস্থিত হয় ৷ ইয়াতেই কাটাৰিয়াই প্ৰায় 55 বছৰ পূৰ্বে শিক্ষক হিচাপে কৰ্মজীৱনৰ আৰম্ভ কৰিছিল । স্থানডোখৰত উপস্থিত হৈ কাটাৰিয়াই পুৰণি বন্ধু-বান্ধৱীৰ লগতে প্ৰাক্তন শিক্ষাৰ্থীসকলৰ সৈতেও মত বিনিময়ত ভাগ লয় ।

ইয়াৰ লগতে গান গাই আনন্দ উপভোগ কৰাও পৰিলক্ষিত হয় কাটাৰিয়াক । উল্লেখ কৰা প্ৰয়োজন যে 1970 চনত কাটাৰিয়াই ঝাদোলৰ বিদ্যাপীঠ স্কুলতে শিক্ষক হিচাপে কৰ্মজীৱনৰ আৰম্ভণি কৰিছিল । তিনি বছৰ শিক্ষকতা কৰাৰ অন্তত কাটাৰিয়াই সক্ৰিয় ৰাজনীতিত যোগদান কৰে ।

ঝাদোলত থকা কাটাৰিয়াৰ ফাৰ্মহাউচত আয়োজন কৰা হৈছিল এই আন্তৰিক অনুষ্ঠান । মত বিনিময়ৰ লগতে ৰাজ্যপালে তেওঁৰ সহকৰ্মী আৰু তেওঁ পঢ়োৱা ছাত্ৰ-ছাত্ৰীসকলৰ সৈতে একেলগে ভোজভাত গ্ৰহণ কৰে ।

লগতে পঢ়ক: ৰাজস্থানত সামূহিক কল্যাণ কেন্দ্ৰ উদ্বোধন অসমৰ ৰাজ্যপাল গুলাব চান্দ কাটাৰীয়াৰ - HOLISTIC WELLNESS CENTER