বৰবাৰী মেগজিনত গুলীচালনাৰ ঘটনা

গুৱাহাটী,5 মাৰ্চ: আৰক্ষী, অৰ্ধসামৰিক বাহিনীয়ে গিজগিজাই থকা মহানগৰীত ভয়ংকৰ ঘটনা । গুৱাহাটী মহানগৰীৰ বৰবাৰী মেগজিনত সংঘটিত হৈছে চাঞ্চল্যকৰ গুলীচালনাৰ ঘটনা । ব্যৱসায়ী বাপন দেৱনাথ নামৰ এজন লোকে ডিঙিত গুলীয়াই ছাদ্দাম আলী নামৰ এজন লোকক । পিচত সংকটজনক অৱস্থাত ছাদ্দামক ভৰ্তি কৰোৱা হয় এখন ব্য়ক্তিগত চিকিৎসালয়ত । জানিব পৰা মতে পেছাত এজন ইলেকট্ৰচিয়ান ছাদ্দাম আলী আৰু প্লাম্বাৰ বাপন দেৱনাথ দুয়ো আছিল পুৰণি বন্ধু ।

কিন্তু পৰকীয়া প্ৰেমৰ বাবে পূৰ্বৰে পৰা দুয়োৰে মাজত চলি আছিল সংঘাত । মঙলবাৰে বিয়লি ভাগত জোনাকী নগৰত হঠাতে তৰ্কত লিপ্ত হয় দুয়ো । তৰ্কৰ মাজতে বাপনে পকেটত থকা পিষ্টল উলিয়াই গুলী কৰে ছাদ্দামক । গুলীচালনা কৰিয়ে পলায়ন কৰে বাপন দেৱনাথে । অৱশেষত স্থানীয় ৰাইজে কৰায়ত্ব কৰি দিছপুৰ আৰক্ষীক গতাই দিয়ে বাপন দেৱনাথক ।

লগতে পঢ়ক: মৰঙিৰ ফুলনি গাঁৱৰ ঘাইপথত বন্যহস্তীৰ মুক্ত বিচৰণ