ISBT ত ৭০ লাখ টকাৰ জালনোট জব্দ

গুৱাহাটী : গুৱাহাটী মহানগৰীত নকল নোটৰ উজান । শনিবাৰে পুৱা প্ৰায় ৫ বজাত মহানগৰীৰ ISBT ত আৰক্ষীয়ে অভিযান চলাই জব্দ কৰে প্ৰায় ৬০লাখ ৫৮ হাজাৰ টকাৰ জাল নোট । এই অভিযানত আৰক্ষীৰ অভিযানত ১৫০০ টা বাণ্ডিলত ১২,১১৬ খন ৫০০ টকীয়া নকল নোট জব্দ কৰে ।

এক গোপন সূত্ৰৰ পম খেদি ISBT আৰক্ষীৰ লগতে SOG য়ে অভিযান চলাই আটক কৰে এজন নকল নোট সৰবৰাহকাৰীক । ধৃত সৰবৰহকাৰীটো হৈছে ধেমাজিৰ গোগামুখৰ হাফিজ আলী । ২৭ বছৰীয়া ধৃত হাফিজ আলীয়ে এখন বেগত তিনিটা তৰপত টকাখিনি আনিছিল ।

ধৃত সৰবৰাহকাৰীটোৱে বান্দোৰদেৱাৰ পৰা বাছযোগে গুৱাহাটীৰ আই এছ বি টিলৈ আহিছিল বুলি জানিব পৰা গৈছে । কিন্তু বাছখন ISBT পোৱাৰ পিছতেই আৰক্ষীয়ে অভিযান চলায় জব্দ কৰে নকল নোটখিনি ।

নকল নোটখিনি গুৱাহাটীলৈ কিয় সৰবৰাহ কৰা হৈছিল সেই সন্দৰ্ভত আৰক্ষীয়ে তদন্ত অব্যাহত ৰাখিছে । ধৃত সৰবৰাহকাৰীটোৰ লগত এক বৃহৎ চক্ৰ জড়িত থকাৰ সন্দেহ কৰিছে অভিযানকাৰী দলটোৱে ।

লগতে পঢ়ক: 50 লাখ টকাৰ জালনোটসহ আৰক্ষীৰ জালত হিৰামূল-নজৰুল - Counterfeit Indian currency note