বিয়া কৰাম বুলি বহু যুৱতীৰে গঢ়িছিল শাৰীৰিক সম্বন্ধ : অৱশেষত আৰক্ষীয়ে কৰিলে আটক - Fake lover detained in Numaligarh

গোলাঘাট, 31 মে’: এশ গৰু মাৰিলে বাঘৰো মৰণ ৷ এই কথা সত্য প্ৰমাণিত হ’ল গোলাঘাটত । নুমলীগড় আৰক্ষীৰ জালত পৰিল হাইপ্ৰফাইল প্ৰেমিক ৷ জালত পৰিল মৰিগাঁও লোকনিৰ্মান (গৃহ) বিভাগত কৰ্মৰত সহকাৰী অভিযন্তা তন্ময় দত্ত ৷

অভিযন্তাগৰাকীয়ে দীৰ্ঘদিনে বিভিন্ন চলাহী কথাৰে নিজৰ টকা আৰু ক্ষমতাৰ বলত অসমৰ ভিন্ন প্ৰান্তৰ একাধিক যুৱতীৰ লগত বিয়াৰ প্ৰলোভন দি চলাই আহিছিল শাৰীৰিক সম্বন্ধ ৷ বৃহস্পতিবাৰে নিশা নুমলীগড় শোধনাগাৰ নগৰাঞ্চলৰ পৰা নুমলীগড় শোধনাগাত কৰ্মৰত বিষয়া এগৰাকীৰ বাসগৃহৰ পৰা আৰক্ষীয়ে আটক কৰে যুৱকজনক ।

অভিযন্তা তন্ময় দত্তৰ বিৰুদ্ধে এগৰাকী যুৱতীৰ পৰিয়ালৰ লোকে ধৰ্ষণৰ অভিযোগ উত্থাপন কৰি এক গোচৰ ৰুজু কৰিছে নুমলীগড় গ্ৰাম্য আৰক্ষী থানাত ৷ উক্ত গোচৰৰ ভিত্তিত বৃহস্পতিবাৰে নিশা নুমলীগড় আৰক্ষীয়ে আটক কৰা তন্ময় দত্তক নুমলীগড় আৰক্ষীয়ে জিম্মাত লৈ অব্যাহত ৰাখিছে তদন্ত ।

লগতে পঢ়ক: বন্ধুৱে ডিঙি ৰেপি হত্যা কৰিলে বন্ধুক, কাৰণ শুনিলে চকু কপালত উঠিব আপোনাৰ