মৰাণৰ নতুন নগৰত ড্ৰাগছ সৰবৰাহকাৰীক গ্ৰেপ্তাৰ - Anti Drugs Operation

মৰাণ, ২০ মে': ৰাজ্য়ত অব্য়াহত ড্ৰাগছৰ বেহা । ইয়াৰ মাজতে ডিব্ৰুগড়ত ড্ৰাগছ উদ্ধাৰ । এই বেহাৰ সৈতে জড়িত সৰবৰাহকাৰীক গ্ৰেপ্তাৰ কৰিছে আৰক্ষীয়ে । ইপিনে,আৰক্ষীয়ে অভিযান চলাই আছে যদিও ডিব্ৰুগড়ত বৰবিহবিধৰ সৰবৰাহকাৰীৰ সংখ্যা হ্ৰাস পোৱা নাই । জিলাখনৰ বিভিন্ন আৰক্ষী থানা এলেকাত নিতৌ উদ্ধাৰ হৈ আছে ড্ৰাগছ । ইয়াৰ মাজতেই সোমবাৰে মৰাণৰ নতুন নগৰত এটা ড্ৰাগছ সৰবৰাহকাৰীক আৰক্ষীয়ে গ্ৰেপ্তাৰ কৰিবলৈ সক্ষম হয় ।  

আৰক্ষীয়ে অভিযান চলাই মৰাণৰ নতুন নগৰত দেৱজিত গগৈ নামৰ ড্ৰাগছ সৰবৰাহকাৰীটোক গ্ৰেপ্তাৰ কৰাৰ লগতে সৰবৰাহকাৰীটোৰ পৰা ১০০ গ্ৰাম ড্ৰাগছ নগদ ধন, এটা ম'বাইল ফোন আৰু এখন মটৰ চাইকেল জব্দ কৰে । ধৃত ড্ৰাগছ সৰবৰাহকাৰীটোৰ ঘৰ চৰাইদেউ জিলাৰ সোণাৰিত । ইতিমধ্যে মৰাণ আৰক্ষীয়ে ড্ৰাগছ সৰবৰাহকাৰীটোক নিজৰ জিম্মাত লৈ জেৰা আৰম্ভ কৰিছে । 

লগতে পঢ়ক:লখিমপুৰত হেৰ’ইন এজনক আটক - Anti Drugs Operation