আজমলৰ দুৰ্গত ছুনামী : বিশাল ব্যৱধানত ধুবুৰীত জয়লাভ ৰকিবুল হুছেইনৰ - LOK SABHA ELECTION RESULTS 2024

ধুবুৰী, 4 জুন : বিশাল ব্যৱধানেৰে বিজয় সাব্যস্ত ধুবুৰী লোকসভা সমষ্টিৰ কংগ্ৰেছ প্ৰাৰ্থী ৰকিবুল হুছেইনৰ ৷ বদৰুদ্দিন আজমলৰ দুৰ্গত খহনীয়াৰ সৃষ্টি কৰি ধুবুৰী লোকসভা সমষ্টিত 9,13,173 ভোটৰ ব্যৱধানত অগ্ৰগতি লাভ কৰি বিজয়ী হয় কংগ্ৰেছ প্ৰাৰ্থী ৰকিবুল হুছেইন ৷ কংগ্ৰেছ প্ৰাৰ্থীজনে 13,35, 435 টা ভোট লাভ কৰাৰ বিপৰীতে ধুবুৰী লোকসভা সমষ্টিৰ তিনিবাৰৰ সাংসদ তথা এ আই ইউ ডি এফ প্ৰধান বদৰুদ্দিন আজমলে লাভ কৰিছে 4,22,262 টা ভোট ৷

ইয়াৰ মাজতে ধুবুৰীৰ ভোলানাথ মহাবিদ্যালয় ভোটগণনা কেন্দ্ৰত উপস্থিত হৈ প্ৰথমবাৰৰ বাবে সংবাদমাধ্যৰ আগত প্ৰতিক্ৰিয়া প্ৰকাশ কৰে ৰকিবুল হুছেইনে ৷ ৰাইজৰ লগত থাকি ৰাইজৰ হৈ কাম কৰি যোৱাৰ প্ৰতিশ্ৰুতি দিয়ে তেওঁ ৷ লগতে তেওঁক ভোট দিয়া আৰু নিদিয়া সকলোকে ধন্যবাদ জনায় ৰকিবুল হুছেইনে ৷  

লগতে পঢ়ক : মেঘালয়ৰ তুৰা সমষ্টিত উৰিল কংগ্ৰেছৰ বিজয় ধ্বজা - LOK SABHA ELECTION RESULTS 2024