ৰাজ্যিক বি জে পি কাৰ্যালয়ত স্বাধীনতা দিৱস পালন - INDEPENDENCE DAY 2024

গুৱাহাটী, ১৫ আগষ্ট: আজি দেশৰ ৭৮ সংখ্যক স্বাধীনতা দিৱস । দেশজুৰি বিভিন্ন অনুষ্ঠান-প্ৰতিষ্ঠানে পালন কৰিছে স্বাধীনতা দিৱস । অসমৰো প্ৰতিখন জিলাতে জিলা প্ৰশাসনৰ উদ্যোগত তথা চৰকাৰী কাৰ্যালয়, বিদ্যালয়, ব্যক্তিগত প্ৰতিষ্ঠানসমূহতো পুৱা পতাকা উত্তোলনেৰে স্বাধীনতা দিৱস পালন কৰা হৈছে । 

ৰাজ্যৰ বিভিন্ন প্ৰান্তৰ লগতে অসম ৰাজ্যিক বিজেপিৰ কাৰ্যালয়টো পুৱা পতাকা উত্তোলন কৰি স্বাধীনতা দিৱস পালন কৰা হয় । মহানগৰীৰ বশিষ্ঠস্থিত ভাৰতীয় জনতা পাৰ্টিৰ মুখ্য কাৰ্যালয়ত ৰাজ্যিক সভাপতি ভৱেশ কলিতাই ৭৮ সংখ্যক স্বাধীনতা দিৱসৰ পতাকা উত্তোলন কৰে । পতাকা উত্তোলন কৰি সভাপতি ভৱেশ কলিতাই সমগ্ৰ দেশৰ লগতে অসমবাসীক স্বাধীনতা দিৱসৰ শুভেচ্ছা জ্ঞাপন কৰে ।

কাৰ্যালয়ৰ চৌহদত আয়োজিত স্বাধীনতা দিৱসৰ পতাকা উত্তোলনৰ কাৰ্যসূচীত গুৱাহাটী লোকসভা সমষ্টিৰ সাংসদ বিজুলী কলিতা মেধি, পশ্চিম গুৱাহাটী সমষ্টিৰ বিধায়ক সিদ্ধাৰ্থ ভট্টাচাৰ্য, ৰাজ্যিক যুৱ মৰ্চাৰ সভাপতি ৰাকেশ দাস ধৰি বহু ন-পুৰণি বিজেপি নেতা-কৰ্মী উপস্থিত থাকে ।

লগতে পঢ়ক: খানাপাৰাত স্বাধীনতা দিৱসৰ প্ৰস্তুতি : পেৰেডৰ অন্তিম আখৰা পৰিদৰ্শন আৰক্ষী সঞ্চালক প্ৰধানৰ - Independence Day 2024