চূড়ান্ত ফলাফল ঘোষণাৰ পূৰ্বেই বিজেপিৰ কাৰ্যালয়ত মিঠাই বিতৰণ নোমল মমিনৰ - LOK SABHA ELECTION RESULTS 2024

গুৱাহাটী, ৪ জুন : লোকসভা নিৰ্বাচনৰ চূড়ান্ত ফলাফল ঘোষণাৰ পূৰ্বেই মঙলবাৰে পুৱাৰে পৰা ৰাজ্যিক বিজেপিৰ কাৰ্যালয়ত বিৰাজ কৰিছে এক উৎসৱমুখৰ পৰিৱেশ । বিজেপিৰ মুখ্য কাৰ্যালয়ত মিঠাই বিতৰণ কৰিলে অসম বিধানসভাৰ উপাধ্যক্ষ নোমল মমিনে । তেওঁ দলীয় কৰ্মী আৰু সাংবাদিকক খুৱালে মিঠাই । ইপিনে, নিৰ্বাচনী ফলাফল সন্দৰ্ভত মন্তব্য কৰি উপাধ্যক্ষগৰাকীয়ে কয়," তৃতীয়বাৰৰ বাবে দেশৰ প্ৰধানমন্ত্ৰী হ'ব নৰেন্দ্ৰ মোদী । তৃতীয়বাৰৰ বাবে নৰেন্দ্ৰ মোদীক আমি প্ৰধানমন্ত্ৰী হিচাপে লাভ কৰিম । এয়া খুব আনন্দৰ মুহূৰ্ত ।"

অসমত সম্ভাব্য় ফলাফল সন্দৰ্ভত মন্তব্য কৰি নোমল মমিনে কয়," অসমতো ১০ খন আসনত আমি অগ্ৰগতি লাভ কৰি আছো । অসমত ১১-১২ খন আসন ভাৰতীয় জনতা পাৰ্টীয়ে লাভ কৰিব ।" তদুপৰি তেওঁ যোৰহাট লোকসভা সমষ্টিতো বিজেপি প্ৰাৰ্থীগৰাকীৰ বিজয় নিশ্চিত বুলি মন্তব্য় কৰি কয়,"যুঁজখন শক্তিশালী হ'বই । কাৰণ যোৰহাটৰ দুয়োগৰাকী প্ৰাৰ্থীয়ে শক্তিশালী । বিজেপি জয়ী হোৱাটো ১০০% নিশ্চিত ।"

লোকসভা নিৰ্বাচনৰ ফলাফলৰ অধিক বা-বাতৰিৰ বাবে ক্লিক কৰক :

https://www.etvbharat.com/en/!elections/election-2024

লগতে পঢ়ক:নিৰ্বাচনৰ ফলাফলক লৈ কিমান আশাবাদী অসমৰ প্ৰাৰ্থীসকল - Lok Sabha Election Results 2024