স্বামীৰ সন্মুখতেই অভিনেত্ৰী পত্নীক অপহৰণ গুৱাহাটীত - Actor Jiya Deka kidnapping incident

গুৱাহাটী, 1 অক্টোবৰ : মহানগৰীত পুনৰ সংঘটিত হৈছে অপহৰণৰ ঘটনা । এইবাৰ স্বামীৰ সন্মুখতেই অভিনেত্ৰী পত্নীক অপহৰণ কৰিলে দুৰ্বৃত্তই । মহানগৰীৰ গোটানগৰত সংঘটিত হৈছে এই ঘটনা । জানিব পৰা মতে ধাৰাবাহিকত অভিনয় কৰা অভিনত্ৰী জীয়া ডেকা সোমবাৰে পুৱাই ওলাই গৈছিল কামৰ বাবে । কিন্তু নিশাৰ ভাগত ঘৰলৈ ওভতাৰ পথত 27 নং ৰাষ্ট্ৰীয় ঘাইপথত থকা ৰেডিচন ব্লু হোটেলৰ সমীপৰ পৰা তেওঁক অপহৰণ কৰে দুৰ্বত্তই । AS 22 Y 9596 নম্বৰৰ এখন ছুইফ্ট বাহনেৰে দুৰ্বৃত্তই অপহৰণ কৰে জীয়া ডেকাক । স্বামীয়ে দেখা পাই গাড়ীখন আগভেটি ধৰে যদিও চাৰিজনীয়া দুৰ্বৃত্তই তেওঁক খুন্দা মাৰি জীয়া ডেকাক লৈ যাবলৈ সক্ষম হয় । এই ঘটনাৰ পিছত অভিনেত্ৰীগৰাকীৰ স্বামীয়ে গড়চুক থানাৰ আৰক্ষীক অৱগত কৰে যদিও বৰ্তমানেও কোনো সন্ধান পোৱা হোৱা নাই অভিনেত্ৰীগৰাকীৰ । উল্লেখ্য যে, ৰেডিচন ব্লুৰ সমীপৰ নবোদয় কলনীত স্বামী আৰু দুবছৰীয়া সন্তানৰ সৈতে দীৰ্ঘদিন ধৰি বাস কৰই আছিল জীয়া ডেকাই । কিন্তু কিহৰ বাবে কোনে অভিনেত্ৰীগৰাকীক অপহৰণ কৰিলে সেই কথা এতিয়াও জানিব পৰা হোৱা নাই ৷

লগতে পঢ়ক : মেগাষ্টাৰ ৰজনীকান্তক চিকিৎসালয়ত ভৰ্তি; বৰ্তমান কেনে আছে থালাইভা ? - RAJINIKANTH HOSPITALISED