কাছাৰত ব্যৱসায়ীৰ ঘৰ-প্ৰতিষ্ঠানত অস্ত্ৰধাৰী ডকাইতৰ দলৰ তাণ্ডৱ - Armed Robbers

কাছাৰ, 5 আগষ্ট: কাছাৰৰ কালাইনত দেওবাৰৰ নিশা অস্ত্ৰধাৰী ডকাইতৰ দলে এটা বাসগৃহ আৰু এখন ব্যৱসায়িক প্ৰতিষ্ঠানত লুটপাত চলাই নগদ 11 লাখ 70 হাজাৰ টকাসহ কেইবা লাখ টকাৰ সোণৰ আ-অলংকাৰ লুটি নিয়ে  ৷ 10/15 জনীয়া বন্দুকধাৰী ডকাইতৰ দলটোৱে প্ৰথমে কাছাৰৰ কালাইন ব্ৰাহ্মনগ্ৰামৰ প্ৰতিষ্ঠিত ব্যবসায়ী নিবেণ চন্দ্ৰ ৰয়ৰ বাসগৃহত প্ৰৱেশ কৰে ৷

ডকাইতৰ দলটোৱে পৰিবাৰৰ লোকসকলক প্ৰহাৰ কৰি বন্দুকৰ ভয় দেখুৱাই ঘৰৰ পৰা নগদ 11 লাখ টকাসহ কেইবা লাখ টকাৰ সোণৰ আ-অলংকাৰ লুটি নিয়ে ৷ প্ৰায় এক ঘন্টা ঘৰখনত তাণ্ডৱ চলোৱাৰ পাচত ডকাইতৰ দলটোৱে ওলাই যোৱাৰ সময়ত নিবেণ চন্দ্ৰৰ ব্যবসায়িক প্ৰতিষ্ঠানখনতো লুটপাত চলায় ৷ 

ডকাইতৰ দলটোৱে ব্যৱসায়িক প্ৰতিষ্ঠানখনৰ পৰা 70 হাজাৰ টকা লুটি নিয়ে  ৷ সম্প্ৰতি ঘটনাটোক কেন্দ্ৰ কৰি কালাইনত তীব্ৰ চাঞ্চল্যৰ সৃষ্টি হৈছে ৷ আৰক্ষীয়ে ইতিমধ্যে ঘটনাৰ তদন্ত আৰম্ভ কৰিছে যদিও সন্ধান উলিয়াব পৰা নাই এজনো ডকাইতৰ ৷

লগতে পঢ়ক: আৰক্ষীৰ পোচাকত আহিল ডকাইত, লুটি নিলে লক্ষাধিক টকাৰ সম্পত্তি - Robbery case in Gouripur