এই পৰাজয়ে অসমীয়াৰ স্বাভিমান ৰক্ষাৰ যুঁজৰ পৰা কেতিয়াও বিচলিত কৰিব নোৱাৰে : লুৰীণজ্যোতি গগৈ - LOK SABHA ELECTION RESULTS 2024

ডিব্ৰুগড়, 4 জুন : ৰাজ্যবাসীৰ দৃষ্টি নিবদ্ধ হৈ থকা বহুচৰ্চিত ডিব্ৰুগড় লোকসভা সমষ্টিৰ পৰা প্ৰায় তিনিলাখ ভোটৰ ব্যৱধানত জয়লাভ কৰিলে বিজেপি মিত্ৰজোঁটৰ প্ৰাৰ্থী সৰ্বানন্দ সোণোৱালে ৷ ডিব্ৰুগড় লোকসভা সমষ্টিত এইবাৰ তীব্ৰ প্ৰতিদ্বন্দ্বিতা আগবঢ়াইছিল অসম জাতীয় পৰিষদৰ সভাপতি তথা বিৰোধী ঐক্য মঞ্চৰ প্ৰাৰ্থী লুৰীণজ্যোতি গগৈয়ে ৷  

ভোটগণনাৰ মাজতে সংবাদ মাধ্যমত প্ৰতিক্ৰিয়া প্ৰকাশ কৰে লুৰীণজ্যোতি গগৈয়ে ৷ প্ৰতিক্ৰিয়া প্ৰকাশ কৰি লুৰীণজ্যোতি গগৈয়ে কয়- "ডিব্ৰুগড় লোকসভা সমষ্টিৰ ৰাইজে যি ৰায় দিছে, তাক আমি মানি লৈছো ৷" তেওঁৰ যি আদৰ্শ তাক যি সকল ৰাইজে সমৰ্থন কৰিলে এই সকলকো ধন্যবাদ জ্ঞাপন কৰা বুলি কয় গগৈয়ে ৷ লগতে এই নিৰ্বাচনত যি সমূহ বিৰোধী ঐক্য মঞ্চৰ ৰাজনৈতিক দলে সহযোগিতা আগবঢ়ালে, সকলোকে ধন্যবাদ জ্ঞাপন কৰে তেওঁ ৷ লগতে "এই পৰাজয়ে মোক অসমীয়াৰ স্বাভিমান ৰক্ষাৰ যুঁজৰ পৰা কেতিয়াও বিচলিত কৰিব নোৱাৰে" বুলিও মন্তব্য কৰে লুৰীণজ্যোতি গগৈয়ে ৷

লগতে পঢ়ক : অসমৰ নিৰ্বাচনী যুঁজৰ ফলাফল : নগাঁৱত প্ৰদ্যুৎ, কোকৰাঝাৰত জয়ন্তৰ জয় - LOK SABHA ELECTION RESULTS 2024