ঘৰৰ চোতালৰ পানীত ডুবি মৃত্যু 9 মহীয়া শিশুৰ - Assam Flood 2024
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Jul 12, 2024, 10:41 PM IST
![ETV Thumbnail thumbnail](https://etvbharatimages.akamaized.net/etvbharat/prod-images/12-07-2024/640-480-21937149-thumbnail-16x9-v8.jpg)
যোৰহাট, 12 জুলাই: ৰাজ্যত পুনৰ বানে কাঢ়িলে এটি শিশুৰ জীৱন ৷ পূৰ্বতকৈ ৰাজ্যৰ বান পৰিস্থিতি কিছু উন্নত হৈছে যদিও বন্যাৰ্তৰ দুখ-দুৰ্দশাৰ অন্ত হোৱা নাই ৷
ঘৰৰ চোতালত আৱদ্ধ হৈ থকা পানীত বুৰ গৈ যোৰহাটৰ টীয়কত মৃত্যু ঘটিল এটি 9 মহীয়া শিশুৰ ৷ জিলাখনৰ 1 নং কাৱৈমাৰি গাঁৱত সংঘটিত হৈছে এই ঘটনা । ঘটনাৰ বিৱৰণি অনুসৰি শুকুৰবাৰে টীয়কৰ কাৱৈমাৰী শ্ৰীমন্ত বনিয়াৰ 9 মহীয়া সন্তানটোৰ সৈতে মাকে ঘৰত শুই আছিল ৷ কিন্তু হঠাৎ মাকৰ কোলাৰ পৰা শিশুটি বাহিৰলৈ ওলাই আহি ঘৰৰ চোতালত আৱদ্ধ হৈ থকা পানীত ডুবি কৰুণভাবে মৃত্যুক আকোঁৱালি লয় ।
জানিব পৰা মতে, 9 মহীয়া শিশুটিক হাস্পতাললৈ লৈ যাবলৈও পৰিয়ালৰ লোকে এম্বুলেঞ্চ বিচাৰি হাহাকাৰ কৰিবলগীয়া পৰিস্থিতিৰ সৃষ্টি হয় ৷