নেশ্যনেল ডেস্ক, 25 আগষ্ট: বৰ্তমানৰ নাৰী কেবল ঘৰত আৱদ্ধ নহয়, ঘৰৰ সমান্তৰালভাৱে আজিৰ নাৰী ঘৰৰ বাহিৰতো ব্যস্ত । বিভিন্ন ক্ষেত্ৰত বিভিন্ন ধৰণে জড়িত আজিৰ নাৰীয়ে প্ৰয়োজনত নিশা পৰ্যন্ত ঘৰৰ বাহিৰত থাকিব লগা হয় ৷ বৰ্তমান হত্যা-হিংসাৰ ঘটনা ক্ৰমাৎ বৃদ্ধি হৈ অহা সময়ত নিশা বাহিৰত থকাটো নাৰীসকলৰ বাবে মুঠেই নিৰাপদ নহয় ৷ এই সময়তে মহিলাৰ সুৰক্ষাৰ কথা চিন্তা কৰি প্ৰস্তুত কৰি উলিওৱা হৈছে একাংশ এপ ৷ এই এপসমূহ ফোনত থাকিলে এগৰাকী নাৰী য’তেই নাথাকক কিয় সুৰক্ষিত হৈ থাকিব বুলি বিশেষজ্ঞসকলে দাবী কৰিছে ৷
সংকটৰ সময়ত মহিলাসকলক সহায় কৰা এই এপসমূহ হ’ল
1. 112 এপ: এই এপটো কেন্দ্ৰীয় গৃহ মন্ত্ৰণালয়ে প্ৰস্তুত কৰিছে । এই এপৰ জৰিয়তে মহিলাসকলে জৰুৰীকালীন পৰিস্থিতিত সুৰক্ষা লাভ কৰিব পাৰিব । জৰুৰীকালীন অৱস্থাত এই এপটোৱে সমীপৰ আৰক্ষী থানাখনৰ স্থান নিৰ্ণয় কৰি আৰক্ষীক তথ্য প্ৰদান কৰে । ইয়াৰ দ্বাৰা আৰক্ষী এ তৎক্ষণাত সহায় আগবঢ়াব ।
2. অন্ধ্ৰ প্ৰদেশ আৰক্ষী সেৱা এপ: এই এপৰ সহায়ত জৰুৰীকালীন অৱস্থাত অন্ধ্ৰ প্ৰদেশ আৰক্ষীৰ সৈতে যোগাযোগ কৰিব পাৰে । এই এপটোৰ জৰিয়তে আপোনাৰ পৰা সংকেত পোৱাৰ লগে লগে সমীপৰ আৰক্ষী থানাৰ আৰক্ষী তৎক্ষণাত আপোনাৰ কাষত থিয় দিব ।
3. হক আই এপ: এই হক আই অ্যাপ তেলেংগানা আৰক্ষীৰ সহায়ত প্ৰস্তুত কৰি উলিওৱা হৈছে । সংকটৰ সময়তো নাৰীক এই এপে সুৰক্ষা প্ৰদান কৰিব । জৰুৰীকালীন অৱস্থাত আপোনাৰ সবিশেষ SOS বুটাম টিপি দিয়াৰ পাচতে ওচৰৰ আৰক্ষী থানা, ACP, DCP এ পাব। অৱগত হোৱাৰ পাচতে আৰক্ষীয়ে সমস্যাৰ সন্মুখীন হোৱা নাৰীগৰাকীক সুৰক্ষা প্ৰদানৰ বাবে ব্যৱস্থা গ্ৰহণ কৰিব ।
4. ৰক্ষা এপ: এই এপটো যদি মোবাইলত ইনষ্টল কৰা হয় তেন্তে নাৰীসকলে নিৰাপত্তা অনুভৱ কৰিব পাৰিব । কাৰণ এটা বুটাম টিপিলেই স্থানকে ধৰি সকলো সবিশেষ এই এপটোৰ দ্বাৰা পূৰ্বনিৰ্বাচিত যোগাযোগৰ লোকসকলে জানিব । ইন্টাৰনেট নাথাকিলেও ভলিউম বুটামটো 3 বাৰ টিপিলে নিৰ্বাচিত যোগাযোগসমূহে সবিশেষ লাভ কৰিব ।
5. বি-চেভ এপ: ফোন কলত কথা পতাৰ ভাও ধৰাৰ বাবে এই এপটো উপযোগী । ইয়াৰ উপৰিও ইয়াত ভুৱা কল কৰিব পৰা ফিচাৰ আছে যাতে জৰুৰীকালীন অৱস্থাত কল কৰাৰ অভিনয় কৰি বিপদৰ পৰা হাত সাৰিব পৰা যায় । ইয়াৰ উপৰিও মোবাইল উলিয়াব নোৱাৰা পৰিস্থিতিত ভইচ কমাণ্ডৰ জৰিয়তেও এই এপটোক নিৰ্দেশ প্ৰদান কৰিব পাৰি । এই এপটোৱে আপোনাৰ ওচৰৰ লোকসকলক স্থান, অডিঅ’ আৰু ভিডিঅ’ৰ দৰে সবিশেষ কেইছেকেণ্ডমানৰ ভিতৰতে প্ৰদান কৰে ।
6. চেফটিপিন এপ: এই সুৰক্ষা পিন এপটোৱে আপোনাক সুৰক্ষিত হৈ থকাত সহায় কৰে । ই বিপদজনক অঞ্চলত প্ৰৱেশ কৰাৰ সময়ত এটা জাননী প্ৰেৰণ কৰে । ৰাজহুৱা পৰিবহণ, ৰাজহুৱা স্থান, নিৰাপত্তা, পোহৰজনিত সবিশেষ প্ৰদান কৰে ।
7. চিল্লা এপ: এই এপটোৱে আপোনাক কোনোৱে হঠাতে আক্ৰমণ কৰিলে লগে লগে ধৰা পেলাব । ই আপোনাৰ মাত চিনি পায় আৰু লগে লগে সঁহাৰি দিয়ে আৰু আপোনাৰ আপোনজনক এটা সতৰ্ক বাৰ্তা প্ৰদান কৰে । লগতে, যদি আপুনি পাৱাৰ বুটামটো 5 বাৰ টিপে, আপোনাৰ অৱস্থানকে ধৰি সকলো বিৱৰণ পৰিয়ালৰ সদস্যই লাভ কৰিব ।
8. স্মাৰ্ট 24x7 এপ: এই এপটোৱে জৰুৰীকালীন অৱস্থাত অডিঅ’, ভিডিঅ’, ফটো ৰেকৰ্ড কৰি প্ৰেৰণ কৰে । জৰুৰীকালীন বুটাম টিপিলে আপোনাৰ সকলো বিৱৰণ পূৰ্বনিৰ্বাচিত আপোনাৰ চিনাকি লোকসকললৈ প্ৰেৰণ হ'ব ।
