হায়দৰাবাদ: বিশ্বৰ বজাৰত মুকলি হ’ব Vivo X200 series ৷ চীনত এই হেণ্ডছেটটো মুকলি কৰাৰ এমাহৰ পিছতে ভিভ’ ই এই আভাষ দিছে । তথ্য অনুসৰি এই ফোনটো মালয়েছিয়াৰ বজাৰত মুকলি হোৱাৰ সম্ভাৱনা আছে ।
Vivo X200 series ত তিনিটা মডেল আছে - Vivo X200, Vivo X200 pro, আৰু Vivo X200 pro mini - আৰু ই মিডিয়াটেক ডাইমেনচিটি 9400 প্ৰচেছৰৰ দ্বাৰা চালিত । তিনিওটা মডেলতে জেইছ অপটিক্সৰ সহ-ইঞ্জিনিয়াৰিং কেমেৰা চিষ্টেম আছে । চলিত মাহৰ শেষৰ ফালে বা ডিচেম্বৰৰ প্ৰথম সপ্তাহত ভাৰতত মুকলি হোৱাৰ সম্ভাৱনা আছে Vivo X200 চিৰিজ ।
উল্লেখ্য যে শুকুৰবাৰে Vivo ই নিজৰ মালয়েছিয়াৰ ফেচবুক পেজত Vivo X200 series ৰ আগমনৰ কথা ঘোষণা কৰে । অৱশ্যে কোম্পানীয়ে মালয়েছিয়াত কেতিয়া এই চিৰিজ মুকলি কৰা হ’ব নিশ্চিত কৰা নাই ৷ তথাপিও টিজাৰ পোষ্টাৰত ইয়াৰ ডিজাইনৰ বিষয়ে তথ্য দেখুওৱা হৈছে । ইয়াত ক্ৰমে Vivo X200 আৰু Vivo X200 mini ৰ টাইটানিয়াম আৰু টাইটানিয়াম গ্ৰীণ ৰঙৰ বিকল্প দেখুওৱা হৈছে ।
Vivo X200 series ৰ মূল্য আৰু স্পেচিফিকেশন
অক্টোবৰ মাহত চীনত মুকলি কৰা হৈছিল Vivo X200 ছিৰিজৰ আৰম্ভণিৰ মূল্য আছিল 4300 CNY (প্ৰায় 51,000 টকা) 12GB + 256GB ষ্ট’ৰেজ ভেৰিয়েণ্টৰ বাবে ।
Vivo X200 লাইনআপৰ সকলো মডেলেই মিডিয়াটেক ডাইমেনচিটি 9400 প্ৰচেছৰত চলে আৰু ইয়াত 50 মেগাপিক্সেলৰ প্ৰাইমেৰী কেমেৰাকে ধৰি জেইছ ব্ৰেণ্ডেড ট্ৰিপল ৰিয়াৰ কেমেৰা ছেটআপ আছে । এই সকলোবোৰ OriginOS 5 ত চলে । ভেনিলা Vivo X200 ত 90W তাঁৰযুক্ত চাৰ্জিঙৰ বাবে সমৰ্থনৰ সৈতে 5,800mAh বেটাৰী পেক কৰা হৈছে ।
আনহাতে, Vivo X200 প্ৰ’ আৰু X200 প্ৰ’ মিনিৰ বেটাৰী ক্ৰমে 6000 mAh আৰু 5800 mAh বেটাৰী আছে, যিবোৰ 90W তাঁৰযুক্ত চাৰ্জিং সমৰ্থনৰ সৈতে আহে । তথ্য প্ৰকাশ পাইছে যে নৱেম্বৰৰ শেষৰ ফালে বা ডিচেম্বৰৰ প্ৰথম সপ্তাহত ভাৰতত আনুষ্ঠানিকভাৱে মুকলি কৰিব পৰা যাব Vivo X200 ছিৰিজ ।
