নেশ্যনেল ডেস্ক, 23 মাৰ্চ : বৰ্তমান সময়ত সকলোৰে হাতে হাতে ম’বাইল ফোন ৷ অৰ্থাৎ ম’বাইল ফোন মানুহৰ অন্যতম প্ৰাথমিক প্ৰয়োজন হৈ পৰিছে ৷ এনে পৰিস্থিতিত যদি ফোনটো হেৰাই যায় বা ক্ষতিগ্ৰস্ত হয়, তেন্তে ক্ষতিৰ আনুমানিক হিচাপ কৰাটো কঠিন হৈ পৰে ৷
ৰঙৰ উৎসৱ হোলী ওচৰ চাপি আহিছে ৷ গতিকে হোলী খেলাৰ সময়ত ভুলবশতঃ আপোনাৰ ফোনটো পানীত ভিজাৰ ফলত যদি ফোনটো নষ্ট হয়, তেন্তে চিন্তাৰ কোনো কাৰণ নাই ৷
হয় ! কাৰণ আজি এই প্ৰতিবেদনত দিয়া এইসমূহ সহজ টিপছ গ্ৰহণ কৰি আপুনি আপোনাৰ স্মাৰ্ট ফোনটোক সুৰক্ষিত কৰি ৰাখিব পাৰে ৷ তেন্তে অপেক্ষা কিহৰ ? লগে লগে এই টিপছবোৰৰ জৰিয়তে কৰক আপোনাৰ এই সমস্যাৰ সমাধান -
লগে লগে ম’বাইল বন্ধ কৰক
- প্ৰথম কথা, যদি ফোনটো পানীত ডুব যায় বা পানীৰ ফলত ক্ষতিগ্ৰস্ত হয়, তেন্তে আপুনি সক্ৰিয় হ’ব লাগিব আৰু দ্ৰুতগতিত কাম কৰিব লাগিব ৷ যিমান সোনকালে টিপছ প্ৰয়োগ কৰিব সিমানেই ফোনটো নষ্ট হোৱাৰ পৰা ৰক্ষা কৰাৰ সম্ভাৱনা বৃদ্ধি পাব ৷ পানীৰ পৰা উলিয়াই দিয়াৰ লগে লগে ফোনটো বন্ধ কৰক ৷ যাতে আপোনাৰ ফোনটো শ্বৰ্ট চাৰ্কিটৰ পৰা সুৰক্ষিত হয় ৷
- ইয়াৰ পিচত শুকান কাপোৰ বা টাৱেলেৰে ফোনটো শুকুৱাই লওক ৷
- এতিয়া আপোনাৰ ফোনটোৰ পৰা বেটাৰী, চিম কাৰ্ড আৰু মেম’ৰী কাৰ্ড উলিয়াই আটাইখিনি শুকুৱাই লওক ৷
- এই সময়ত সাৱধান হওক আৰু ফোনত কোনো বুটাম টিপিব নালাগে ৷
- আপোনাৰ ক্ষতিগ্ৰস্ত ফোনটো চাউলৰ বেগত ৰাখক, যাতে ই সকলো পানী শোষণ কৰে ৷ ম’বাইলটো শুকুৱাবলৈও চিলিকা জেল পেক ব্যৱহাৰ কৰিব পাৰে ৷
- ম’বাইলটো ঠিক কৰাৰ সময়ত ফোনটো পোনে পোনে থিয় কৰি ৰাখিব আৰু পৰ্টটো তললৈ কৰি ৰাখিব, যাতে ফোনটোৰ ভিতৰত আবদ্ধ হৈ থকা পানী ওলাই আহিব পাৰে ৷
- আপোনাৰ ফোনটো পুনৰ অন কৰিবলৈ এদিন বা দুদিন সময় দিয়ক আৰু তাৰ পিচত আকৌ খুলিবলৈ চেষ্টা কৰক ৷
লক্ষণীয় যে
যদি এই সকলোবোৰ কাম কৰাৰ পিচতো আপোনাৰ ফোনটো ষ্টাৰ্ট হোৱা নাই, তেন্তে চিন্তাৰ কাৰণ নাই আৰু আপোনাৰ ফোনটো মেৰামতিৰ বাবে ম’বাইল চাৰ্ভিচ চেণ্টাৰলৈ লৈ যাওক ।
লগতে পঢ়ক : এইবাৰ হোলীত অতি কম মূল্যত আকৰ্ষণীয় ফিচাৰ থকা স্মাৰ্টফোন কিনিব বিচাৰে নেকি ? তেন্তে এয়া লওক তালিকা
