হায়দৰাবাদ: থলুৱা গাড়ী নিৰ্মাতা কোম্পানী মাৰুতি চুজুকিয়ে অৱশেষত ভাৰতৰ বজাৰত মুকলি কৰিলে 2024 চনৰ Maruti Suzuki Dzire compact sedan । এই গাড়ীখন শেহতীয়াকৈ মুকলি কৰা চতুৰ্থ প্ৰজন্মৰ মাৰুতি চুইফটৰ আধাৰত নিৰ্মাণ কৰা হৈছে । বৰ্তমান এই গাড়ীখনৰ মূল্য প্ৰকাশ কৰা হোৱা নাই আৰু ইয়াৰ মূল্য 11 নৱেম্বৰত প্ৰকাশ কৰা হ’ব বুলি জানিব পৰা গৈছে ।
কওঁ যে কোম্পানীয়ে এই গাড়ীখনৰ প্ৰি-বুকিং আৰম্ভ কৰিছে আৰু কোম্পানীটোৰ এৰিনা আউটলেটৰ জৰিয়তে বা অনলাইনত 11 হাজাৰ টকাৰ টোকেন ধনেৰে কমপেক্ট চেডানখন বুকিং কৰিব পাৰিব । অনুমান কৰা হৈছে যে ইয়াৰ ডেলিভাৰীও মুকলিৰ পৰাই আৰম্ভ হ’ব । ভাৰতীয় বজাৰত এই গাড়ীখন Hyundai Aura, Honda Amaze আৰু Tata Tigorৰ দৰে গাড়ীৰ সৈতে প্ৰতিযোগিতাত অৱতীৰ্ণ হৈছে ।
2024 চনৰ Maruti Suzuki Dzireৰ ডিজাইন
ইয়াৰ আকাৰৰ কথা ক’বলৈ গ’লে বৰ্তমানৰ মডেলৰ তুলনাত ইয়াত কোনো পৰিৱৰ্তন কৰা হোৱা নাই । আনহাতে, যদি আমি 2024 চনৰ Maruti Suzuki Dzire ৰ বাহিৰৰ অংশলৈ চাওঁ, তেন্তে ইয়াৰ মূল আকৰ্ষণসমূহৰ ভিতৰত আছে নতুন ফ্ৰন্ট আৰু ৰিয়াৰ বাম্পাৰ, অনুভূমিক স্লেটৰ সৈতে ফ্ৰেছ গ্ৰীল, নতুন এল ই ডি হেডলেম্প, মেচিনেৰে নিৰ্মিত এলয় হুইল, ত্ৰিকোণীয় আকৃতিৰ ইনছাৰ্ট আৰু ক্ৰ’মৰ সৈতে নতুন এল ই ডি টেইললাইট বুটলিড ।
2024 চনৰ Maruti Suzuki Dzire ৰ আভ্যন্তৰীণ অংশ
নতুন ডিজাইনৰ ইণ্টেৰিয়ৰৰ কথা ক’বলৈ গ’লে ইয়াত ব্লাইণ্ড স্পট মনিটৰ, 9 ইঞ্চিৰ টাচস্ক্ৰীণ ইনফ’টেইনমেণ্ট চিষ্টেম, ডুৱেল টোন আপহলষ্টৰী, নতুন থ্ৰী স্প’ক ষ্টিয়াৰিং হুইল, অটোমেটিক ক্লাইমেট কণ্ট্ৰ’ল, ৰিয়াৰ এচি ভেণ্ট, ক্ৰুজ কণ্ট্ৰ’ল আৰু 360 ডিগ্ৰী কেমেৰা অন্তৰ্ভুক্ত কৰা হৈছে ৷ ইয়াৰ উপৰিও এই ছেগমেণ্টত প্ৰথমবাৰৰ বাবে ইলেক্ট্ৰিক ছানৰুফকো অন্তৰ্ভুক্ত কৰা হৈছে ।
2024 চনৰ Maruti Suzuki Dzire ৰ পাৱাৰট্ৰেইন
নতুন প্ৰজন্মৰ ডিজাইৰত নতুন 1.2 লিটাৰ, 3 চিলিণ্ডাৰ, জেড ছিৰিজ পেট্ৰ’ল ইঞ্জিন আছে, যিটো 5 স্পীড মেনুৱেল আৰু এএমটি ট্ৰেন্সমিছন বিকল্পৰ সৈতে আগবঢ়োৱা হৈছে । পাৱাৰ আউটপুটলৈ চালে এই ইঞ্জিনে 80bhp শক্তি আৰু 112Nm টৰ্ক উৎপন্ন কৰে । কোম্পানীটোৱে এই গাড়ীখন চিএনজি সংস্কৰণতো আগবঢ়াব । অৱশ্যে এই সংস্কৰণটো পিছত মুকলি কৰা হ’ব ।
2024 চনৰ Maruti Suzuki Dzire ৰ মাইলেজ
নতুন Dzire ৰ মাইলেজৰ তথ্যও প্ৰকাশ পাইছে । ইয়াৰ মেনুৱেল ভেৰিয়েণ্টে প্ৰতি লিটাৰত 24.79 কিলোমিটাৰ মাইলেজ দিব যদিও ইয়াৰ অটোমেটিক ভেৰিয়েণ্টে প্ৰতি লিটাৰত 25.71 কিলোমিটাৰ এ আৰ আই প্ৰমাণিত মাইলেজ দিব । ইয়াৰ উপৰিও এই গাড়ীখনে চিএনজি ইন্ধনত 33.73 কিলোমিটাৰ প্ৰতি কিলোগ্ৰাম মাইলেজ দিব । চাৰিটা ভিন্নতাত এই গাড়ীখন উপলব্ধ LXi, VXi, ZXi আৰু ZXi + ।
