নেশ্যনেল ডেস্ক, ১০ মে’ : মহাকাশ এখন আশ্চৰ্যকৰ জগত ৷ এখন বেলেগ পৃথিৱী ৷ য’ত ৰোমাঞ্চ আৰু আশ্চৰ্যৰে ভৰা বহুতো ৰহস্য আজিও ভাঁহি আছে । এই ৰোমাঞ্চকৰ তালিকাৰ শীৰ্ষত আছে কৃষ্ণগহ্বৰৰ নাম ।
যদি আপুনিও কৃষ্ণগহ্বৰৰ বিষয়ে জানিবলৈ উৎসাহী হৈ প্ৰায়ে গুগল (Google) ৰ শৰণাপন্ন হৈ থাকে, তেন্তে তথ্যৰে ভৰা আজিৰ এই প্ৰতিবেদন কেৱল আপোনাৰ বাবে । আজি আমি প্ৰকাশ কৰিম ব্লেক হোলৰ বিষয়ে কিছু আচৰিত আৰু নজনা তথ্য -
প্ৰকৃততে কি হয় এই কৃষ্ণগহ্বৰ ?
মহাকাশ বিজ্ঞানীসকলে উল্লেখ কৰা মতে, কৃষ্ণগহ্বৰ হ’ল ঘন (dense) আৰু কঠিন বস্তু ৷ যাৰ মহাকৰ্ষণ শক্তি ইমানেই প্ৰবল যে, নিৰ্দিষ্ট দূৰত্বৰ ভিতৰত একোৱেই সাৰি যাব নোৱাৰে । আপুনি জানি আচৰিত হ’ব পোহৰৰ এটা কণাও এই মহাজাগতিক পদাৰ্থৰ মাধ্যাকৰ্ষণৰ পৰা সাৰি যাব নোৱাৰে ৷ ইয়াৰ মাধ্যাকৰ্ষণ শক্তিয়ে সকলোকে নিজৰ ফালে টানি লয় ৷
বিজ্ঞানীসকলৰ মতে, আটাইতকৈ সৰু কৃষ্ণগহ্বৰৰ সৃষ্টি তেতিয়া হয়, যেতিয়া এটা বহু ডাঙৰ নক্ষত্ৰ অথবা তৰাৰ থুপটো নিজে নিজে ভাঙি যায় ৷ এই পৰিঘটনাটোক ছুপাৰন’ভা বোলা হয় । ছুপাৰন’ভা হৈছে বিস্ফোৰিত তৰা, যিয়ে তৰাটোৰ এটা অংশ মহাকাশতে বিস্ফোৰণ ঘটায় ।
ইভেণ্ট হৰাইজন টেলিস্কোপ ব্যৱহাৰ কৰি বিজ্ঞানীসকলে M87 তাৰকাৰাজ্যৰ কেন্দ্ৰত থকা কৃষ্ণগহ্বৰৰ ছবি তুলিছিল । বিশ্বব্যাপী ৰেডিঅ’ টেলিস্কোপৰ নেটৱৰ্ক ইভেণ্ট হৰাইজন টেলিস্কোপ (EHT) ব্যৱহাৰ কৰি বিশ্বব্যাপী গৱেষণা দলে এই ছবিখন তুলিছিল বুলি জানিব পৰা গৈছে ।
কৃষ্ণগহ্বৰ আৰু ইয়াৰ আশ্চৰ্যতা -
- কৃষ্ণগহ্বৰ সাধাৰণতে পোনপটীয়াকৈ দেখা নাযায়, কাৰণ ই সম্পূৰ্ণ অন্ধকাৰেৰে আবৃত । কিন্তু ইয়াৰ ওচৰে-পাজৰে জিলিকি থকা গেছৰ বিশাল মহাকৰ্ষণ ক্ষেত্ৰৰ প্ৰভাৱৰ বাবে ই অস্পষ্টভাৱে দেখা যায় ৷
- কৃষ্ণগহ্বৰটো আমাৰ সূৰ্যতকৈ চাৰি নিযুত গুণ বেছি বিশাল । আটাইতকৈ সৰু কৃষ্ণগহ্বৰবোৰ মাত্ৰ এটা পৰমাণুৰ সমানেই সৰু হয় ৷
- কৃষ্ণগহ্বৰটো পৃথিৱীৰ পৰা প্ৰায় ২৭,০০০ আলোকবৰ্ষৰ দূৰত্বত অৱস্থিত ৷
লগতে পঢ়ক : আপুনিও ভ্ৰমণ কৰিব বিচাৰিছে নেকি উত্তৰ-পূৰ্বাঞ্চলৰ ছুইজাৰলেণ্ড ? - Places to Visit in Northeast
