গুৱাহাটী, ৮ ছেপ্টেম্বৰ : ইতিহাস হ'ল অসম মাধ্যমিক শিক্ষা পৰিষদ চমুকৈ ছেবা আৰু অসম উচ্চতৰ মাধ্যমিক শিক্ষা সংসদ । একত্ৰিত হ’ল ছেবা আৰু অসম উচ্চতৰ মাধ্যমিক শিক্ষা সংসদ । ছেবা আৰু অসম উচ্চতৰ মাধ্যমিক শিক্ষা সংসদক একত্ৰীকৰণৰ জৰিয়তে গঠন কৰা হ’ল ‘অসম ৰাজ্যিক স্কুল শিক্ষা পৰিষদ’ (𝐀𝐬𝐬𝐚𝐦 𝐒𝐭𝐚𝐭𝐞 𝐒𝐜𝐡𝐨𝐨𝐥 𝐄𝐝𝐮𝐜𝐚𝐭𝐢𝐨𝐧 𝐁𝐨𝐚𝐫𝐝)৷
ৰাষ্ট্ৰীয় শিক্ষা নীতি ২০২০ৰ সৈতে সামঞ্জস্য ৰাখি একত্ৰীকৰণ কৰা হৈছে । এতিয়াৰে পৰা অসম ৰাজ্যিক স্কুল শিক্ষা পৰিষদে দ্বাদশ শ্ৰেণীপৰ্যন্ত সকলো পৰীক্ষা পৰিচালনা কৰিব । উল্লেখ্য যে ৰমেশ চান্দ জৈন অসম ৰাজ্যিক স্কুল শিক্ষা পৰিষদৰ নতুন অধ্যক্ষ হিচাপে নিযুক্তি দিয়া হৈছে ।
পূৰ্বে আৰ চি জৈন ছেবাৰ অধ্যক্ষৰ দায়িত্বত আছিল । সেইদৰে ৰুক্ম গোহাঁই বৰুৱাক অসম ৰাজ্যিক স্কুল শিক্ষা পৰিষদৰ উপাধ্যক্ষ হিচাপে নিযুক্তি দিয়া হৈছে । পূৰ্বে ৰুক্ম গোহাঁই বৰুৱা অসম উচ্চতৰ মাধ্যমিক শিক্ষা সংসদৰ অধ্যক্ষ আছিল । সামাজিক মাধ্যমযোগে এই বিষয়ে সদৰী কৰে শিক্ষামন্ত্ৰী ডাঃ ৰণোজ পেগুৱে ।
In line with the implementation of the NEP 2020 mandate, the Board of Secondary Education, Assam (SEBA) and Assam Higher Secondary Education Council (AHSEC) have been merged as 𝐀𝐬𝐬𝐚𝐦 𝐒𝐭𝐚𝐭𝐞 𝐒𝐜𝐡𝐨𝐨𝐥 𝐄𝐝𝐮𝐜𝐚𝐭𝐢𝐨𝐧 𝐁𝐨𝐚𝐫𝐝. Shri Ramesh Chand Jain, IAS (Retd)… pic.twitter.com/JQKLTsOU6G
— Ranoj Pegu (@ranojpeguassam) September 8, 2024
উল্লেখ্য যে অসম মাধ্যমিক শিক্ষা পৰিষদ আৰু অসম উচ্চতৰ মাধ্যমিক শিক্ষা সংসদক একত্ৰীকৰণ কৰাৰ সিদ্ধান্ত বিগত বৰ্ষৰ ১৬ নৱেম্বৰৰ কেবিনেট বৈঠকত লোৱা হৈছিল । কেবিনেট বৈঠকত অসম মাধ্যমিক শিক্ষা পৰিষদ আৰু অসম উচ্চতৰ মাধ্যমিক শিক্ষা সংসদক একত্ৰীকৰণৰ জৰিয়তে অসম ৰাজ্যিক স্কুল শিক্ষা পৰিষদ হিচাপে নামাকৰণৰ সিদ্ধান্তত অনুমোদন জনোৱা হৈছিল ।
কেবিনেটে অনুমোদন জনোৱাৰ পিচত এক দীঘলীয়া প্ৰক্ৰিয়াৰ মাজেৰে অৱশেষত ছেবা আৰু অসম উচ্চতৰ মাধ্যমিক শিক্ষা সংসদক একত্ৰিকৰণ হয় । এতিয়াৰে পৰা অসম ৰাজ্যিক স্কুল শিক্ষা পৰিষদে দ্বাদশ শ্ৰেণীপৰ্যন্ত সকলো পৰীক্ষা পৰিচালনা কৰিব । ইয়াৰ লগে লগে অতীত হৈ পৰিল ছেবা আৰু অসম উচ্চতৰ মাধ্যমিক শিক্ষা সংসদ ।
লগতে পঢ়ক : শিক্ষাৰ্থীৰ বাবে চৰকাৰৰ অভিনন্দন : কোনে কিদৰে লাভ কৰিব পাৰিব আঁচনিখনৰ সুবিধা
শিক্ষক দিৱসৰ দিনাই শিক্ষকৰ প্ৰতিবাদত উত্তাল চচলৰ প্ৰতিবাদস্থলী
