শিলচৰ, ২২ জুন: কাছাৰৰ কাটিগড়াত সংঘটিত হৈছে এক চাঞ্চল্যকৰ ডকাইতিকাণ্ড ৷ ৫ জনীয়া ডকাইতৰ দল এটাই মাছ ধৰা জালেৰে ৰাজপথত এখন যাত্ৰীবাহী অটো আগচি ধৰি চলালে লুটপাট । অটোৰ যাত্ৰীসহ চালকক মাৰধৰ কৰি ডকাইতৰ দলটোৱে লুটি নিলে নগদ ধনসহ তিনিটা মোবাইল ফোন । কাছাৰৰ কাটিগড়া টি আৰ কে ৰোডত সংঘটিত হৈছে এই ডকাইতিকাণ্ডটো ।
এই সন্দৰ্ভত এগৰাকী ভুক্তভোগীয়ে কয় যে ৫ জনীয়া ডকাইতৰ দল এটাই মাছ ধৰা জালেৰে এখন অটো আগচি ধৰি লুটপাট চলায় । ঘটনাৰ বিবৰণি মতে, বৃহস্পতিবাৰে নিশা কাছাৰৰ ৰাণিঘাটৰ খলিল উদ্দিন নামৰ এগৰাকী ব্যক্তিয়ে বদৰপুৰৰ ষ্টেচনৰ পৰা কন্যাৰ সৈতে এখন অটোৰে আহি থকাৰ সময়ত এই ঘটনাটো সংঘটিত হয় । অটোখন নিশা এক বজাত কাটিগড়া টি আৰ কে ৰোডৰে যোৱাৰ সময়ত গোবিন্দপুৰ জি পি অফিচৰ সম্মুখত পাঁচজনীয়া এটা দলে অটোখন মাছ ধৰা জালেৰে ৰখোৱাৰ পিচত অটোত থকা পিতৃ-কন্যাসহ চালকজনক চোকা অস্ত্ৰৰে ভয় দেখুৱাই মাৰধৰ কৰি লুটি নিয়ে নগদ ধন আৰু এটা আইফোনসহ তিনিটা মোবাইল ফোন ।
লগতে পঢ়ক:পল্লা পথত ডকাইতি কাণ্ডৰে জড়িত দুজন ডকাইতক গ্ৰেপ্তাৰ বেলশৰ আৰক্ষীৰ - Robbery Case In Nalbari
