ধেমাজি,২০ জুন: তিনিবাৰকৈ প্ৰধানমন্ত্ৰীৰ গাদীত বহা মোদীৰ পৰিৱৰ্তনৰ বতাহে স্পৰ্শ নকৰিলে অসমৰ বিভিন্ন ৷ সমস্যাৰে ভাৰাক্ৰান্ত এখন গাঁও । যিখন গাঁৱত সমস্যাৰ অন্ত নাই ৷ ঢকুৱাখনা বিধানসভা সমষ্টিৰ এখন গাঁৱৰ কথা । উন্নয়ন ধোঁৱাচাঙত উঠা এইখন গাঁও হৈছে ঢকুৱাখনা বিধানসভা সমষ্টিৰ মৰনৈ গাঁও পঞ্চায়তৰ অন্তৰ্গত নাগপুৰ গাঁও । যিখন গাঁৱত বিশুদ্ধ খোৱা পানীৰ সমস্যা, অনিয়মীয়া বিদ্যুৎ সেৱাৰ লগতে দুখনকৈ বাঁহৰ দলঙে জলা-কলা খুৱাইছে ৪ শতাধিক ৰাইজক ।
ইফালে আকৌ ঘৰে ঘৰে বিশুদ্ধ খোৱাপানী যোগান ধৰাৰ ঠিকা লোৱা চৰকাৰৰ দিনত বঞ্চিত হৈছে এটুপি বিশুদ্ধ পানীৰ পৰা । এবছৰ ধৰি অনিয়মীয়াভাৱে লাভ কৰিছে আইৰণযুক্ত লেতেৰা পানী । ব্যৱহাৰৰ অনুপযোগী দৈনন্দিন ৰঙাপানী লাভ কৰি ৰাইজে খোৱা-বোৱা বা কাপোৰ ধোৱাকে আদি কৰি একো কামতেই ব্যৱহাৰ কৰিব নোৱাৰে । চৰকাৰী আঁচনি প্ৰহসনত পৰিণত এই জল জীৱন আঁচনিত এটা বৈদ্যুতিক ট্ৰেন্সফৰ্মাৰ নথকাৰ বাবে নিশা হ'লেই দেখা দিয়ে বিভিন্ন সমস্যাই । বিভাগীয় লোকক এই সন্দৰ্ভত অৱগত কৰে যদিও কানসাৰ নাই সংশ্লিষ্ট বিভাগৰ ।
ইয়াৰোপৰি বিদ্যুতৰ সঘন লুকাভাকু তথা বিদ্যুৎ কৰ্তন কৰিলে ৩/৪ দিনলৈকে অন্ধকাৰত ডুব যায় গাঁওবাসী ৷ সেইদৰে যাতায়তৰ ক্ষেত্ৰতো হাৰাশাস্তি সন্মুখীন হৈ আহিছে ৰাইজে ৷ ইপাৰ সিপাৰ হ'বলৈ পাৰ হ'ব লাগে দুখনকৈ জৰাজীৰ্ণ বাঁহৰ দলং । ৰাইজে নিজাববীয়াকৈ ধন সংগ্ৰহ কৰি কষ্টৰে বাঁহৰ দলং নিৰ্মাণ কৰে । এনেদৰে সাঁকো অথবা দলঙেৰে বিপদজনকভাৱে পাৰাপাৰ হয় ছাত্র-ছাত্ৰী । বাৰিষা হ'লে বিপদৰ আশংকাত ছাত্র-ছাত্ৰীৰ ক্ষতি হয় বিদ্যালয় । নিৰ্বাচনৰ আগতে জনপ্ৰতিনিধিয়ে এই ঠাইত এটা কালভাৰ্ট দিয়াৰ কথা আছিল যদিও সকলো ফুটুকাৰ ফেনত পৰিণত হ'ল । যাৰ বাবে ক্ষোভ প্ৰকাশ কৰি সকলো সমস্যা সমাধান কৰি ৰাইজৰ কল্যাণ সাধন কৰিবলৈ দাবী জনাইছে সৰ্বসাধাৰণ ৰাইজে ।
