ডিফু, ২৮ মে': ৰাজ্যত লোকসভা নিৰ্বাচনৰ আচৰণবিধি বলবৎ হৈ থকা সময়তে কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাং এণ্ড কোম্পানীয়ে বিলাস ভ্ৰমণত ব্যস্ত থকাৰ অভিযোগ উঠিছে ৷ কাৰ্বি আংলং জিলাৰ আঞ্চলিক ৰাজনৈতিক দল অল পাৰ্টী হিলচ্ লীডাৰ কনফাৰেন্সৰ (APHLC) সভাপতি তথা লোকসভা নিৰ্বাচনৰ দলটোৰ প্ৰাৰ্থী জন ইংতি কাথাৰে এই বিস্ফোৰক অভিযোগ কৰে ৷
সোমবাৰে বিয়লি ডিফুত এক সংবাদমেল সম্বোধন কৰি কাথাৰে কয়, নিৰ্বাচন শেষ কৰি ১৪ মে’ত কাৰ্বি আংলং স্বায়ত্ত শাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙৰ নেতৃত্বত পৰিষদৰ কাৰ্যবাহী সদস্য, MAC, বিভিন্ন নিকায় নিগমৰ অধ্যক্ষ আৰু দলৰ বছা বছা নেতাসহ ৩০ জনীয়া এটা দল এসপ্তাহৰ বাবে কৃষিক্ষেত্ৰ অধ্যয়নৰ বাবে ভিয়েটনামলৈ গৈছিল ৷ তাৰ পৰা মুখ্য কাৰ্যবাহী সদস্যগৰাকী গ’ল আন আন দেশলৈ ৷ কিন্তু এই দলটোত কোনো কৃষি বিভাগৰ বিজ্ঞানী বা বিষয়া নাছিল ৷
