গোলাঘাট,২২ মাৰ্চ: সমাগত লোকসভা নিৰ্বাচনক লৈ যুদ্ধংদেহি প্ৰস্তুতি বিজেপি দলৰ । শুকুৰবাৰে মেৰাপানীত উপস্থিত হৈ ৰাজ্যৰ বিত্তমন্ত্ৰী অজন্তা নেওগে এখন কৰ্মীসভাত উপস্থিত হৈ লোকসভা নিৰ্বাচনৰ যুঁজৰ বাবে সাজু হ'বলৈ আহ্বান জনালে দলীয়-কৰ্মীক । মন্ত্ৰী নেওগে সাংবাদিকৰ আগত কাজিৰঙা সমষ্টিত কেইবালাখ ভোটত বিজেপি মিত্ৰজোঁটৰ প্ৰাৰ্থী কামাখ্যা প্ৰসাদ তাছা জয়ী হ'ব বুলি মন্তব্য কৰাৰ লগতে এই নিৰ্বাচন নৰেন্দ্ৰ মোদী বনাম উন্নয়ণৰ নিৰ্বাচন বুলি অৱগত কৰে ।
- " class="align-text-top noRightClick twitterSection" data="">
তেওঁ পুনৰ কয় যে ৰাইজে উন্নয়ন দেখি বিজেপিৰ প্ৰতি আকৰ্ষিত হৈছে । মোদীৰ উন্নয়নৰ প্ৰতি মানুহৰ উৎসাহ আছে । ইফালে কাজিৰঙা সমষ্টিৰ বিজেপি মিত্ৰজোঁটৰ প্ৰাৰ্থী কামাখ্যা প্ৰসাদ তাছাই প্ৰায় পঞ্চাশ সহস্ৰাধিক সমৰ্থকক লৈ অহা ২৭ মাৰ্চত মনোনয়ন পত্ৰ দাখিল কৰিব বুলি জানিবলৈ দিয়ে । ১৯ এপ্ৰিলত সমগ্ৰ ভাৰতবৰ্ষৰ লগতে অসমতো অনুষ্ঠিত হ'ব প্ৰথম পৰ্যায়ৰ লোকসভা নিৰ্বাচন ।
এই নিৰ্বাচনত বিজেপি দলৰ প্ৰাৰ্থী কামাখ্যা প্ৰসাদ তাছাক বিপুল ভোটৰ ব্যৱধানত জয়ী কৰাবলৈ সমষ্টিকেইটাৰ মন্ত্ৰী, বিধায়ক, দলীয় কৰ্মীয়ে ব্যাপক প্ৰচাৰ অভিযান আৰম্ভ কৰিছে । ইফালে গোলাঘাট জিলাৰ পাঁচটা বিধানসভা সমষ্টিত ব্যাপক নিৰ্বচনী তৎপৰতা অৱলম্বন কৰিছে অগপ আৰু বিজেপি দলে ।
জিলাখনৰ পাঁচটা বিধানসভা সমষ্টিত তিনিজনকৈ বিজেপি দলৰ বিধায়ক আৰু দুটা সমষ্টিত মিত্ৰজোঁটৰ বিধায়ক আছে । পুৰ্বে কলিয়াবৰ আৰু বৰ্তমানৰ কাজিৰঙা লোকসভা সমষ্টিত বিজেপি দলৰ প্ৰাৰ্থী কামাখ্যা প্ৰসাদ তাছাক বিপুল ভোটৰ ব্যৱধানত জয়ী কৰাবলৈ বিশেষ গুৰুত্ব আৰোপ কৰিছে বিজেপি দলে । ইফালে বিজেপি প্ৰাৰ্থী কামাখ্যা প্ৰসাদ তাছাৰ বিৰুদ্ধে কংগ্ৰেছ দলে প্ৰাৰ্থিত্ব দিছে প্ৰাক্তন বিধায়ক ৰ'জলিনা তিৰ্কীক ।
লগতে পঢ়ক: মোদীৰ ছুনামিত সকলো শক্তি উটি-ভাহি যাব : সাংসদ কুইন ওজা - MP Queen Oja
