জোনাই, ৪ আগষ্ট : জোনাইত সংঘটিত হৈছে এক চাঞ্চল্যকৰ ঘটনা ৷ প্ৰেমৰ অভিনয়েৰে এগৰাকী লোকক ব্লেকমেইলিঙৰ অভিযোগ উত্থাপিত হৈছে এটা দম্পতীৰ বিৰুদ্ধে ৷ উত্থাপিত হৈছে ধন ঘটাৰ উপায় হিচাপে এগৰাকী বিবাহিতা মহিলাই ভিন্নজনৰ লগত প্ৰেমৰ অভিনয় কৰাৰ ৷
দম্পতীৰ বিৰুদ্ধে অভিযোগ কি ?
ভুক্তভোগী লোকজনৰ আত্মীয়ৰ অভিযোগ অনুসৰি জোনাইৰ লংকেশ্বৰ কাৰ্দং নামৰ লোকজনৰ সৈতে প্ৰায় এমাহৰ পূৰ্বে বন্ধুত্ব হয় ভুক্তভোগী লোকজনৰ ৷ ইয়াৰ পিচৰে পৰা প্ৰায়েই যোগাযোগত থাকে দুয়ো বন্ধু ৷ সেই অনুসৰি লংকেশ্বৰ কাৰ্দঙৰ পত্নী অঞ্জলি নৰহ কাৰ্দঙৰ সৈতেও বন্ধুত্বসুলভ সম্পৰ্কত থাকে ভুক্তভোগী লোকজন ৷ দিন হাজিৰা কৰা ভুক্তভোগীগৰাকী অৰুণাচল প্ৰদেশলৈ কামৰ বাবে যোৱাৰ সময়তে তেওঁৰ লগত বন্ধুপত্নীও লগতে যাবলৈ ওলাল ৷ প্ৰথম পৰ্যায়ত ফুৰিবলৈ যোৱা বুলিয়েই বন্ধুপত্নীয়ে উল্লেখ কৰা বুলি ভুক্তভোগীৰ আত্মীয়ই জানিবলৈ দিছে ৷ কিন্তু পিচত জানিব পৰা মতে জোৰদৱৰদস্তিহে বন্ধুপত্নী দিন হাজিৰা কৰা লোকজনৰ সৈতে মেচুকালৈকে যায় ভুক্তভোগীৰ সৈতে ৷
অৰুণাচললৈ যোৱাৰ পিচত কি হ’ল ?
বিবাহিতা বন্ধুপত্নী ভিনিহিয়েকৰ সৈতে অৰুণাচললৈ যোৱাৰ খবৰ পালে খুলশালিয়েকে ৷ বিষটো ভাল নেদেখি দুয়োকে ঘৰলৈ লৈ আনিবলৈ গ’ল খুলশালিয়েক ৷ সেই অনুসৰিয়েই শনিবাৰে নিশা দুয়োকে লৈ আনিল জোনাইলৈ ৷ জোনাইলৈ আনি দুয়োকে আত্মীয়ৰ ঘৰত ৰখা হয় ৷
পত্নীক বিচাৰি বন্ধুক ব্লেকমেইলিঙৰ অভিযোগ :
দিন হাজিৰা কৰা লোকজনক লংকেশ্বৰ কাৰ্দঙে ধন দাবী কৰাৰ অভিযোগ উত্থাপিত হৈছে ৷ দাবী কৰা ৭০ হাজাৰ দিব নোৱৰাত ভুক্তভোগীগৰাকীৰ বিৰুদ্ধে বন্ধু লংকেশ্বৰ কাৰ্দঙে পত্নীক অপহৰণ আৰু ধৰ্ষণৰ অভিযোগ উত্থাপন কৰে ৷ ইয়াৰ পিচতে বিষয়টো জোনাই আৰক্ষী থানা পাইগৈ ৷ ইতিমধ্যে ধেমাজি আৰক্ষীয়ে জোনাই আৰক্ষীৰ পৰা ভুক্তভোগী লোকজনক জিম্মাত সোধ-পোছৰ বাবে লৈ যায় ৷
লগতে পঢ়ক : সন্তান শিক্ষানুষ্ঠানলৈ যোৱাৰ পিচতে হোৱাটছএপ যোগে আপোনালৈ আহিব পাৰে ভয়ংকৰ ফোনকল
